పెళ్లికి ముందు స్టార్ హీరోయిన్ కాస్తా పెళ్లి తర్వాత స్టార్ ఫ్యామిలీ కోడలు సామ్‌గా మారింది. మెట్టినింట అడుగు పెట్టాక అమ్మడి జోష్ రెట్టింపయింది. ఓ సినిమాలు, సొంత బిజినెస్‌లు చేస్తూనే మరోవైపు వెబ్ సిరీస్‌లు, హోస్ట్‌గా మెప్పించడం లాంటివి చేస్తూ అక్కినేని ఫ్యాన్స్‌ని ఫిదా చేస్తోంది సామ్. అయితే భర్త నాగ చైతన్యతో ఎప్పుడూ సరదాగా ఎంజాయ్ చేస్తూ షికార్లు కొట్టే సమంత.. ఈ సారి ఏకంగా ఆయన గుట్టు బయటపెట్టేందుకు పక్కాగా స్కెచ్చేసింది. అదేనండీ.. 'ఆహా' ఓటీటీ వేదికపై సమంత హోస్ట్ చేస్తున్న షోలో ఆమె భర్త పాల్గొన్నారు. తాజాగా ఈ షో ప్రోమో రిలీజ్ చేయగా తన భర్తపై ప్రశ్నల వర్షం కురిపిస్తూ కనిపించింది సమంత. సామ్ జామ్ షో కోసం సెలబ్రిటీలను గెస్టులుగా పిలిచి వారి వారి పర్సనల్ లైఫ్, ఇప్పటిదాకా ఎక్కడా చెప్పని సీక్రెట్స్ వారి చేతనే బయటపెట్టిస్తున్న సమంత.. తన భర్తను కూడా వదిలిపెట్టలేదు. అసలు గుట్టు బయట పడాలంటే ఇదే సరైన సమయం అనుకుందో ఏమో గానీ అన్ని కోణాల్లో చైతూని ప్రశ్నించింది. 'సామ్ జామ్' ప్రోగ్రాంకి సంబంధించి ఈ సీజన్ ఫినాలే ఎపిసోడ్ కోసం స్పెషల్ గెస్ట్ నాగ చైతన్యను ఆహ్వానించారు. నిజ జీవితంలో భార్యాభర్తలైన చైసామ్ ఒకే షోలో ఒకరు హోస్ట్‌గా, మరొకరు గెస్ట్‌గా కనిపించనుండటం ఆసక్తి రేకెత్తిస్తోంది. దీనికి తోడు జనవరి 8న ప్రసారం కాబోతున్న ఈ షో ప్రోమో వీడియో మరింత అట్రాక్ట్ చేస్తోంది. 'వీడు ఇంట్లోనే పడుంటాడు కాబట్టి లాస్ట్‌లో నన్ను పిలిచావ్' అంటూ సమంతకు నాగ చైతన్య పంచ్ విసరడం, అలాగే నా హస్బెండ్ మంచి మూడ్‌లో ఉన్నాడంటూ తనకు సంబంధించి కొన్ని విషయాలను సమంత అడగడం ఈ ప్రోమోలో హైలైట్ అవుతున్నాయి. Also Read: మొత్తంగా చూస్తే మాత్రం చైతూ సీక్రెట్స్ బయట పెట్టాలని సమంత పక్కాగా ప్లాన్ చేసినట్లు అర్థమవుతోంది. ఈ సీజన్‌కు భార్యాభర్తలపై చేసిన ఈ ఫైనలే ఎపిసోడ్ హైలైట్ అవుతుందని నిర్వాహకులు భావిస్తున్నారు. చూడాలి మరి.. తన భార్య సమంత ముందు నాగ చైతన్య ఏ మేర ఓపెన్ అవుతారనేది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3s0LH0u
No comments:
Post a Comment