చిత్రసీమలో ఎంతో ప్రతిష్టాత్మకమైన అవార్డు దాదా సాహెబ్ ఫాల్కే. భారతీయ చలన చిత్ర పితామహుడిగా పేరొందిన దాదా సాహెబ్ ఫాల్కే పేరిట ఈ అవార్డుల ప్రదానోత్సవం జరుగుతుంటుంది. నూతన సంవత్సరాన్ని పురస్కరించుకొని తాజాగా 2020 సంవత్సరానికి గాను దాదా సాహెబ్ ఫాల్కే సౌత్ అవార్డుల జాబితా ప్రకటించారు. తెలుగు, తమిళ, కన్నడ, మలయాళ సినీ పరిశ్రమలకు సంబంధించి విజేతల వివరాలు పేర్కొన్నారు. టాలీవుడ్ నుంచి దాదా సాహెబ్ ఫాల్కే అవార్డుల జాబితాలో అక్కినేని నాగార్జున, రష్మిక, దర్శకుడు సుజీత్, థమన్ ఉన్నారు. సౌత్ కేట‌గిరీలో తెలుగు సినీ పరిశ్రమ నుంచి నాని హీరోగా వచ్చిన 'జెర్సీ' బెస్ట్ మూవీగా నిలవగా.. ఉత్తమ నటిగా రష్మిక మందన ఎంపికయ్యారు. డియర్ కామ్రేడ్ సినిమాలో న‌ట‌న‌కుగాను ఆమెకు ఈ అవార్డు వరించింది. 'ఏజెంట్ సాయి శ్రీనివాస ఆత్రేయ' చిత్రానికిగాను న‌వీన్ పోలిశెట్టిని బెస్ట్ యాక్ట‌ర్ అవార్డు వరించింది. ప్రభాస్ హీరోగా భారీ బ‌డ్జెట్‌తో సాహో సినిమాను రూపొందించిన సుజీత్ బెస్ట్ డైరెక్టర్గా, అల వైకుంఠ‌పురంలో మ్యూజిక్‌తో కుర్రకారును హుషారెక్కించిన థమన్ బెస్ట్ మ్యూజిక్ డైరెక్టర్గా అలాగే మోస్ట్ వ‌ర్స‌టైల్ యాక్ట‌ర్‌గా అక్కినేని నాగార్జునలకు ఈ ప్రతిష్టాత్మక అవార్డు లభించింది. కోలీవుడ్ (తమిళ్) నుంచి చూస్తే.. ఉత్తమ నటుడిగా ధనుష్, ఉత్తమ నటిగా జ్యోతిక, ఉత్తమ దర్శకుడిగా పార్థిబాన్‌, మోస్ట్ వ‌ర్స‌టైల్ యాక్ట‌ర్‌గా అజిత్‌ కుమార్, ఉత్తమ మ్యూజిక్ డైరెక్టర్గా అనురుద్ద్‌ రవిచంద్రన్‌ లను దాదా సాహెబ్ ఫాల్కే అవార్డు వరించింది. మాలీవుడ్ (మలయాళం) నుంచి చూస్తే.. ఉత్తమ నటుడిగా సూరజ్ వెంజరమూడు, ఉత్తమ నటిగా పార్వతీ తిరువోతు, ఉత్తమ దర్శకుడిగా మధు కె. నారాయణ్, మోస్ట్ వ‌ర్స‌టైల్ యాక్ట‌ర్‌గా మోహన్‌ లాల్‌, ఉత్తమ మ్యూజిక్ డైరెక్టర్గా దీపక్ దేవ్ లను దాదా సాహెబ్ ఫాల్కే అవార్డు వరించింది. శాండల్‌వుడ్ (కన్నడ) నుంచి చూస్తే.. ఉత్తమ నటుడిగా రక్షిత్ శెట్టి, ఉత్తమ నటిగా తాన్య హోప్, ఉత్తమ చిత్రం‌గా మూకాజ్జియ, కనసుగలు ఉత్తమ దర్శకుడిగా రమేష్ ఇందిరా, మోస్ట్ వర్సిటైల్ ఆర్టిస్ట్‌గా శివరాజ్‌కుమార్‌, ఉత్తమ సంగీత దర్శకుడిగా వి. హరికృష్ణ లను దాదా సాహెబ్ ఫాల్కే అవార్డు వరించింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3rIstwt
No comments:
Post a Comment