‘‘నేను చిన్నప్పుడు ఒక గ్రౌండ్లో వందలమంది సేమ్ డ్రెస్ వేసుకుని కరాటే చేస్తుంటే చూసేందుకు చాలా ఆసక్తిగా, పండగల అనిపించేది. కానీ, ఇప్పుడు అలాంటి పరిస్థితులు లేవు.. కానీ మళ్ళీ అలాంటి వైభవం కరాటేకు రావాలని కోరుకుంటున్నాను’’ అని అన్నారు యంగ్ హీరో విశ్వక్ సేన్. ‘ఫలక్నుమా దాస్’, ‘హిట్’ సినిమాలతో టాలీవుడ్లో హీరోగా మంచి క్రేజ్ తెచ్చుకున్న ఈ ఆదివారం జరిగిన తెలంగాణ కరాటే అసోసియేషన్, షోట్కాన్ కరాటే అకాడమీ ఇంటర్నేషనల్ ఆధ్వర్యంలో జరిగిన ఫెలిసిటేషన్ కార్యక్రమంలో పాల్గొన్నారు. విశ్వక్ సేన్ తండ్రి, ‘ఫలక్నుమా దాస్’ నిర్మాత కరాటే రాజు.. కరాటే మాస్టర్గా ఎంతో ప్రాముఖ్యత ఉన్న వ్యక్తి. అయన ఆధ్వర్యంలో జరిగిన ఈ కార్యక్రమంలో ప్రముఖ నిర్మాత సి. కళ్యాణ్తో పాటు హీరో విశ్వక్ సేన్, ఇతర కరాటే అసోసియేషన్ ప్రముఖులు పాల్గొన్నారు. ఈ సందర్భంగా కరాటే రాజు మాట్లాడుతూ.. ‘‘కరాటే అంటే యోగాకు ఫాస్ట్ వెర్షన్ అని చెప్పాలి. యోగాని స్పీడ్గా చేస్తే అది కరాటే అవుతుంది. కరాటే అంటే నాకు దైవంతో సమానం. కరాటే అన్నది రహస్యంగా ఉండేది, కానీ దాన్ని పోటీలు పెట్టి జనాలకు తెలిసేలా చేసింది నేనే. అప్పట్లో కరాటే ఎంత వైభోగంతో ఉండేదో మళ్ళీ అలాంటి వైభోగం తేవడానికి ప్రయత్నాలు చేస్తున్నాం. కరాటే నేటి పిల్లలకు చాలా అవసరం. ఇప్పుడు స్కూల్స్, కాలేజీల్లో కూడా కరాటేను నేర్చుకునేలా చూడాలి. మనల్ని మనం కాపాడుకునే ఆయుధం కరాటే. ఈ కరాటే అభివృద్ధి చేసే విషయంలో నేను ఎప్పుడు మీ ముందుంటాను’’ అని అన్నారు. నిర్మాత సి. కళ్యాణ్ మాట్లాడుతూ.. ‘‘కరాటే రాజు నిర్మాతగానే నాకు తెలుసు కానీ అయన కరాటేలో మాస్టర్ అన్న విషయం ఈ మధ్యే తెలిసింది. ఓ వైపు నిర్మాతగా సినిమాలు చేస్తూనే మరోవైపు కరాటే విద్యకు సపోర్ట్ చేస్తూ మంచి ప్రోత్సహం అందిస్తున్నారు. అప్పట్లో హీరో సుమన్ని హీరోగా తీసుకోవడానికి కారణం కరాటే. అయన కరాటే మాస్టర్. అప్పట్లోనే సుమన్ కరాటే విద్యలో రాణించారు. అందుకే అయన హీరోగా ఎదిగాడు. ఇప్పుడు అలాగే కరాటే విషయంలో మన హీరో విశ్వక్ సేన్ కూడా సపోర్ట్ అందించేందుకు తండ్రితో కలిసి ముందుకు వచ్చాడు. విశ్వక్ నువ్వు ఇప్పుడే హీరోగా రాణిస్తున్నావు. నువ్వు కూడా కరాటే నేపథ్యంలో ఓ సూపర్ యాక్షన్ సినిమా చేయి. తప్పకుండా నీకు మంచి సక్సెస్ వస్తుంది. అలాగే కరాటేకు నువ్వు బ్రాండ్ అంబాసిడర్గా మారాలి’’ అని అన్నారు. హీరో విశ్వక్ సేన్ మాట్లాడుతూ.. ‘‘కరాటే అంటే నాకు చిన్నప్పటినుండి తెలుసు. మాకు అన్నం పెట్టింది కరాటే. అప్పట్లో మేము దిల్సుఖ్నగర్లో ఉన్నప్పుడు నాన్న ఎంతగా దానికోసం కష్టపడ్డాడో తెలుసు. ఓ చిన్న ఇంట్లో ఉండేవాళ్ళం. ఆ కష్టాలు మాకు తెలుసు. అయితే నాన్న గురించి ఓ బాడ్ న్యూస్ ఉండేది. అదేమిటంటే.. అయన మాస్టర్గా చాలా కఠినంగా ఉంటాడని ప్రచారం ఉంది. ఒక వ్యక్తిని కఠినంగా ఉండటాన్ని పరీక్షించాకే ఒక బెల్ట్ నుండి మరో బెల్ట్కు ప్రోమోట్ చేస్తారని అంటుండేవారు. ఆయన హార్డ్వర్క్ మమ్మల్ని ఇక్కడి దాకా తెచ్చింది. కరాటే ఇప్పుడు పూర్వ వైభవం కోల్పోయిందని నా అభిప్రాయం. ఎందుకంటే నా చిన్నప్పుడు ఒక గ్రౌండ్లో వందలమంది సేమ్ డ్రెస్ వేసుకుని కరాటే చేస్తుంటే చూసేందుకు చాలా ఆసక్తిగా, పండగల అనిపించేది. కానీ, ఇప్పుడు అలాంటి పరిస్థితులు లేవు. కానీ, మళ్ళీ అలాంటి వైభవం కరాటేకు రావాలని కోరుకుంటున్నాను. ఇక్కడున్న మాస్టర్స్ అందరూ నాకు తెలుసు. నేను చిన్నప్పుడు వీరి చుట్టూ మామ మామ అంటూ తిరిగే వాణ్ణి. కరాటేకు మళ్ళీ పూర్వ వైభవం రావాలి. దానికోసం నేను మీకు ఎప్పుడు సపోర్ట్గా ఉంటాను’’ అని అన్నారు. కరాటే అసోసియేషన్ ఆఫ్ ఇండియా చీఫ్ పాట్రన్గా నియమితులైన కరాటే రాజును ఈ కార్యక్రమంలో సత్కరించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3cWebRT
No comments:
Post a Comment