తెలుగు సినీ పరిశ్రమలో ఫైట్ మాస్టర్గా తనకంటూ ప్రత్యేక గుర్తింపును సంపాదించుకున్న విజయ్.. తన కుమారుడు రాహుల్ విజయ్ను 2018లో ‘ఈ మాయ పేరేమిటో’ చిత్రంతో హీరోగా పరిచయం చేశారు. తన కుమార్తె దివ్య విజయ్ను నిర్మాతగా పెట్టి ఈ సినిమాను విజయ్ స్వయంగా నిర్మించారు. తొలి సినిమాతో రాహుల్ పర్వాలేదనిపించారు. ఆ తరవాత నిహారిక కొణిదెలతో కలిసి ‘సూర్యకాంతం’ సినిమాలో రాహుల్ నటించారు. అయితే, ఈ సినిమా పెద్దగా ఆకట్టుకోలేకపోయింది. నటుడిగా మంచి మార్కులే సంపాదించిన రాహుల్కు ఈ రెండు సినిమాలు పెద్దగా బ్రేక్ అయితే ఇవ్వలేదు. అయితే, ఇప్పుడు మరో సినిమాతో ఈ యంగ్ టాలెంటెడ్ హీరో ప్రేక్షకుల ముందుకు వచ్చేందుకు సిద్ధమవుతున్నారు. ఈ మేరకు ఆదివారం (జూన్ 7న) తన పుట్టినరోజు సందర్భంగా కొత్త సినిమాను ప్రకటించారు. రాహుల్ విజయ్ హీరోగా ఎస్కేఎల్ఎస్ గెలాక్సీ మాల్ ప్రొడక్షన్స్ పతాకంపై ప్రొడక్షన్ నెం.1గా బృంద రవీందర్ దర్శకత్వంలో ఇ. మోహన్ నిర్మాతగా ఈ సినిమా రూపొందుతోంది. రాహుల్ విజయ్ పుట్టిన రోజు సందర్భంగా ఈ చిత్రం నుంచి ఆయన లుక్ని విడుదల చేసింది చిత్ర యూనిట్. మెలోడి బ్రహ్మ మణిశర్మ ఈ చిత్రానికి సంగీతం సమకూరుస్తున్నారు. ఈశ్వర్ ఎల్లుమహంతి సినిమాటోగ్రఫీ అందిస్తున్నారు. కోటగిరి వెంకటేశ్వరరావు ఎడిటర్. రాహుల్ తండ్రి విజయ్ స్టంట్ మాస్టర్. అనంత శ్రీరామ్ సాహిత్యం అందిస్తున్నారు. గుడిమిట్ల శివ ప్రసాద్ ఎగ్జిక్యూటివ్ ప్రొడ్యూసర్. కథ, స్క్రీన్ప్లే, మాటలు, దర్శకత్వం బృంద రవీందర్. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు. మరి, ఈ మూడో సినిమా అయినా ఆయనకు మంచి బ్రేక్ ఇస్తుందో లేదో చూడాలి. కాగా, పుట్టినరోజు సందర్భంగా రాహుల్ విజయ్కు పలువురు సోషల్ మీడియా ద్వారా శుభాకాంక్షలు తెలుపుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2BBlbVv
No comments:
Post a Comment