టాలీవుడ్ యంగ్ హీరో ఇటీవలే తన పెళ్లి విషయాన్ని చెప్పి సర్‌ప్రైజ్ చేసిన సంగతి తెలిసిందే. తన ప్రేమ‌కి గ్రీన్ సిగ్న‌ల్ లభించిందని పేర్కొంటూ ప్రేయసి మిహికా బజాజ్‌ని ప్రేక్షకులకు పరిచయం చేశారు దగ్గుబాటి రానా. దీంతో రానా- మిహికా ఫొటోలతో సోషల్ మీడియా హోరెత్తిపోయింది. ఈ క్రమంలోనే తాజాగా వీరిద్దరి మ్యారేజ్‌కి సంబంధించిన ఓ విషయం బయటకొచ్చింది. మిహికా బజాజ్‌ని పరిచయం చేసిన వెంటనే రానా తండ్రి, ప్రముఖ నిర్మాత సురేష్ బాబు స్పందిస్తూ.. ఈ ఏడాదే ఉంటుందని ప్రకటించారు. ఈ నేపథ్యంలోనే ఆగస్టు 18న వీళ్ళ పెళ్లి ముహూర్తం కన్ఫర్మ్ చేసినట్లు సమాచారం. అయితే ఈ పెళ్లిని చాలా గ్రాండ్‌గా చేయాలని ఫిక్స్ అయిన సురేష్ బాబు.. ఫలక్‌నామాను వేదికగా ఎంచుకున్నారని తెలుస్తోంది. కాకపోతే కేవలం కుటుంబ స‌భ్యులు, స్నేహితుల స‌మ‌క్షంలో రానా- మిహీకా బ‌జాజ్‌లు ఏడ‌డుగులు వేయనున్నారట. Also Read: ఇటీవలే రామానాయుడు స్టూడియోలో రానా- మిహీకాల రోకా వేడుక ఘనంగా జరిపించారు. ఈ వేడుకకు రానా, మిహికా కుటుంబ సభ్యులంతా హాజరయ్యారు. అక్కినేని నాగ‌చైత‌న్య, స‌మంతలు ఈ రోకా వేడుకలో స్పెషల్ అట్రాక్షన్ అయ్యారు. ఇందుకు సంబంధించిన పిక్స్ సోషల్ మీడియాలో తెగ హల్చల్ చేశాయి. ఇకపోతే విలక్షణ పాత్రలు ఎంచుకుంటూ వరుస సినిమాలు చేస్తున్న రానా.. ప్రస్తుతం 'అరణ్య' మూవీ చేస్తున్నారు. జంతువుల నేపథ్యంలో రూపొందిన ఈ మూవీకి ప్రభు సోల్మన్ దర్శకత్వం వహించారు. అడవుల్లో సంచరించే ఓ ఆదివాసీ యువకుడిగా, ఏనుగుల కేర్ టేకర్‌గా ఈ మూవీలో రానా విలక్షణ పాత్ర పోషించారు. మరి కొద్దిరోజుల్లో ఈ మూవీ రిలీజ్ డేట్ ప్రకటించనున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31cYFxh
No comments:
Post a Comment