దుమ్మురేపుతున్న `సైరా`.. నాలుగో రోజూ అదే జోరు!

మెగాస్టార్‌ చిరంజీవి హీరోగా తెరకెక్కిన భారీ చిత్రం సైరా నరసింహారెడ్డి. భారీ అంచనాల మధ్య ప్రేక్షకుల ముందుకు వచ్చిన ఈ సినిమా సూపర్‌ హిట్ టాక్‌తో దూసుకుపోతోంది. గాంధీ జయంతి సందర్భంగా అక్టోబర్‌ 2న ప్రేక్షకుల ముందుకు వచ్చిన ఈ సినిమా తొలి రోజే 53 కోట్లకు పైగా వసూళ్లు సాధించి చిరంజీవి మార్కెట్ స్టామినాను ప్రూవ్ చేసింది. దసరా సెలవులు కావటంతో తరువాత కూడా కలెక్షన్లు అదే స్థాయిలో కొనసాగుతున్నాయి. నాలుగో రోజుకు ఈ సినిమా వంద కోట్ల క్లబ్‌లో చేరి సత్తా చాటింది. శనివారం కూడా ఈ సినిమా భారీ వసూళ్లు రాబట్టినట్టుగా తెలుస్తోంది. నాలుగో రోజు సైరా దాదాపు 14 కోట్ల షేర్‌ రాబట్టినట్టుగా ట్రేడ్‌ వర్గాలు అంచనా వేస్తున్నారు. ముఖ్యంగా తెలుుగు రాష్ట్రాల్లో బాస్‌ ఆధిపత్యం స్పష్టంగా కనిపిస్తోంది. కేవలం తెలుగు రాష్ట్రాల నుంచే శనివారం 7 కోట్ల వరకు షేర్‌ వచ్చినట్టుగా అంచనా వేస్తున్నారు. అంతేకాదు చిరుకు మంచి పట్టున్న కర్ణాటకతో పాటు తమిళనాడు, కేరళ రాష్ట్రాల్లోనూ మంచి వసూళ్లు సాధిస్తోంది సైరా. Also Read: కానీ బాలీవుడ్‌లో మాత్రం పరిస్థితి మరోలా ఉంది. బాలీవుడ్‌లో సైరా నరసింహారెడ్డి ఆశించిన స్థాయిలో పర్ఫామ్‌ చేయలేకపోతోంది. తొలి రోజు వసూళ్లలో పరవాలేదనిపించినా, రెండో రోజు నుంచి వసూళ్లు భారీగా తగ్గాయి. ముఖ్యంగా బాలీవుడ్‌ మూవీ వార్‌తో పోటి పడటం, హాలీవుడ్‌ మూవీ జోకర్‌కు మంచి రెస్పాన్స్‌ రావటంతో నార్త్‌లో సైరా ఆశించిన స్థాయిలో కలెక్షన్లు సాధించలేకపోతోంది. ఓవర్‌ సీస్‌ మార్క్‌ట్‌లోనూ సైరా స్టడీగా కొనసాగుతోంది. ఇప్పటికే అమెరికాలో 1.5 మిలియన్‌ డాలర్ల వసూళ్లు సాధించిన సైరా ఇప్పటికీ స్టడీగా వసూళ్లు రాబడుతోంది. ఇతర ప్రాంతాల్లోనూ వసూళ్లు బాగానే ఉన్నాయన్న టాక్‌ వినిపిస్తోంది. అయితే అధికారిక లెక్కలు రావడానికి మాత్రం మరికొంత సమయం పట్టే అవకాశం ఉంది. Also read: దాదాపు 270 కోట్ల బడ్జెట్‌తో తెరకెక్కిన ఈ ప్రతిష్టాత్మక చారిత్రక చిత్రానికి సురేందర్‌ రెడ్డి దర్శకుడు. తన తండ్రి డ్రీమ్‌ ప్రాజెక్ట్‌ ను రియాలిటీలోకి తీసుకువచ్చేందుకు మెగా పవర్‌ స్టార్‌ రామ్‌చరణ్‌ స్వయంగా ఈ సినిమాను నిర్మించాడు. తొలి స్వాతంత్య్ర సమరయోధుడు ఉయ్యాలవాడ నరసింహారెడ్డి కథతో తెరకెక్కిన ఈ సినిమాలో బాలీవుడ్ లెజెండ్‌ అమితాబ్‌ బచ్చన్‌, సుధీప్‌, విజయ్‌ సేతుపతి, జగపతి బాబు, నయనతార, తమన్నా లాంటి టాప్‌ స్టార్లు కీలక పాత్రల్లో నటించారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2AN11UU