అల్లుడు శ్రీను సినిమాతో తన పెద్ద కుమారుడిని గ్రాండ్గా టాలీవుడ్కు పరిచయం చేసిన బెల్లంకొండ సురేష్, ఇప్పుడు తన రెండో కొడుకు గణేష్ని కూడా హీరోగా లాంచ్ చేస్తున్నాడు. శనివారం గణేష్ హీరోగా తెరకెక్కనున్న సినిమా పూజా కార్యక్రమాలతో ప్రారంభమైంది. బీటెల్ ప్రొడక్షన్స్, లక్కీమీడియా బ్యానర్లపై నిర్మిస్తున్న ఈ సినిమాకు పవన్ సాధినేని దర్శకుడు. ఈ సినిమా ఓపెనింగ్ కార్యక్రమం హైదరాబాద్ అన్నపూర్ణ స్టూడియోస్లో ఘనంగా జరిగింది. ప్రముఖ నిర్మాత దిల్ రాజు తొలి షాట్కు క్లాప్ ఇవ్వగా బెల్లంకొండ సాయి శ్రీనివాస్ కెమెరా స్వీచ్ ఆన్ చేశాడు. మాస్ చిత్రాల దర్శకుడు వీవీ వినాయక్ గౌరవ దర్శకత్వం వహించారు. ఈ కార్యక్రమంలో అభిషేక్ నామ, సురేష్ బాబు, జెమిని కిరణ్ లు ముఖ్యఅతిథులుగా పాల్గొన్నారు. Also Read: ఈ సందర్భంగా నిర్మాత బెల్లంకొండ సురేష్ మాట్లాడుతూ.. `సినిమాకు మంచి టెక్నీషియన్స్ పనిచేస్తున్నారు. నేనే మా అబ్బాయి తొలి సినిమా నిర్మించాలనుకున్నాను. కానీ బెక్కం వేణుగోపాల్ మంచి కథతో వచ్చాడు. సినిమా మంచి విజయం సాధిస్తుందని నమ్ముతున్నా` అన్నారు. వినాయక్ మాట్లాడుతూ.. `సురేష్ గాను నన్ను దర్శకుడిగా పరిచయం చేశారు. నేను శ్రీనివాస్ను హీరోగా పరిచయం చేశాను. ఆ అవకాశం నాకు రావటం పట్ల చాలా ఆనందంగా ఉన్నాను. ఇప్పుడు గణేష్ కూడా వెండితెరకు పరిచయం అవుతున్నాడు. సాయి లాగే గణేష్ కూడా సక్సెస్ అందుకోవాలని కోరుకుంటున్నాను. అల్లుడు శ్రీను సమయంలో సురేష్ గారు ఎంత సంతోషంగా ఉన్నారో ఇప్పుడు కూడా అలాగే కనిపిస్తున్నారు` అన్నారు. Also Read: హీరో బెల్లంకొండ గణేష్ మాట్లాడుతూ... `నేను ఈ స్థాయిలో ఉండటానికి మా నాన్నగారే కారణం. ఆయన లేకపోతే నేను లేను. ఆయన వల్లే మాకు ఇండస్ట్రీలో అవకాశం వచ్చింది. బెక్కం వేణుగోపాల్, పవన్లు చెప్పిన కథ నాకు బాగా నచ్చింది. వెంటనే ఓకెచెప్పేశా. కథలోని ఎమోషన్స్ అందరికీ కనెక్ట్ అవుతాయి. నన్ను ఆశీర్వదించడానికి ఇక్కడి వచ్చిన అందరికీ ధన్యవాదాలు` అన్నారు. ఈ సందర్భంగా చిత్ర దర్శకుడు పవన్ సాధినేని, మాటల రచయిత వివేక్ ఆత్రేయలు తమకు అవకాశం ఇచ్చిన నిర్మాతలకు కృతజ్ఞతలు తెలియజేశారు. హీరో సాయి శ్రీనివాస్ మాట్లాడుతూ నా కళ్ల ముందు పెరిగిన తమ్ముడు గణేష్ హీరోగా పరిచయం అవుతుండటం చాలా ఆనందంగా ఉందన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/30H7bR6
No comments:
Post a Comment