కరోనా వైరస్ వ్యాప్తి ఒక భారతదేశాన్నే కాదు.. యావప్ ప్రపంచాన్ని అతలాకుతలం చేసింది. ముఖ్యంగా ఈ ఏడాది సెకండ్ వేవ్ రూపంలో వచ్చిన మహమ్మారి కోట్లాది మంది ప్రాణాలను బలిగొంది. అయితే కరోనా ప్రభావం తీవ్రంగా పడిన ఇండస్ట్రీలలో సినిమా ఇండస్ట్రీ ఒకటి. కరోనా వ్యాప్తిని అరికట్టేందుకు ప్రభుత్వం లాక్‌డౌన్ విధించడంతో.. ఎన్నో సినిమాల విడుదల వాయిదాపడింది. కొన్ని సినిమాలు నేరుగా ఓటీటీలో విడుదల కాగా.. కొన్ని సినిమాలను థియేటర్‌లోనే విడుదల చేయాలని చిత్ర యూనిట్‌లు అలాగే ఆపి ఉంచారు. అయితే చాలాకాలం నుంచి విడుదలకు సిద్ధంగా ఉన్న సినిమా ‘లవ్‌స్టోరీ’. నాగచైతన్య, హీరోహీరోయిన్లుగా దర్శకత్వంలో తెరకెక్కిన ఈ ప్రేమకథ షూటింగ్ ఎప్పుడో పూర్తి అయింది. కానీ, వైరస్ వ్యాప్తి నేపథ్యంలో సినిమా విడుదల వాయిదాపడుతూ వస్తోంది. ఇప్పటికే విడుదలైన ఈ సినిమా టీజర్‌, పాటలు ప్రేక్షకులను విశేషంగా ఆకట్టుకున్నాయి. కానీ, సినిమా విడుదల తేదీపై మాత్రం స్పష్టత రాలేదు. కానీ, తాజాగా అభిమానుల నిరీక్షణకు ఎట్టకేలకు తెరపడింది. ఈ సినిమాకు సంబంధించి చిత్ర యూనిట్ ఒక అదిరిపోయే అప్‌డేట్ ఇచ్చింది. సినిమా థియేట్రికల్ ట్రైలర్‌ను సోమవారం (సెప్టెంబర్ 13న) ఉదయం 11.07 గంటలకు విడుదల చేస్తున్నట్లు అధికారిక ప్రకటన వచ్చింది. అంతేకాక చిత్రం సెప్టెంబర్ 24వ తేదీన థియేటర్‌లో విడుదల అవుతున్నట్లు పేర్కొన్నారు. ఇందుకు సంబంధించి ఓ ఆసక్తికర పోస్టర్‌ని కూడా విడుదల చేశారు. శ్రీ వెంకటేశ్వర సినిమాస్ ఎల్ఎల్ పీ, అమిగోస్ క్రియేషన్స్ సంస్థలు సంయుక్తంగా ఈ 'లవ్ స్టోరీ' సినిమాను నిర్మిస్తున్నాయి. కె నారాయణదాస్ నారంగ్, పి. రామ్మోహన్ రావు నిర్మాతలుగా వ్యవహరించారు. సినిమా ట్రైలర్ గురించి ప్రకటన రావడంతో అభిమానుల్లో ఉత్సాహం రెట్టింపు అయింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/392kNwI
No comments:
Post a Comment