నువ్వు విజిలేస్తే ఆంధ్రా సోడా బుడ్డి.. అంటూ యంగ్ టైగ‌ర్ ఎన్టీఆర్ అప్పుడెప్పుడో సింహాద్రిలో చేసిన రచ్చ ఇంకా మ‌న‌కు వినిపిస్తూనే ఉంది. ఈసారి ప్రభాస్ వంతు వ‌చ్చింది. ప్రభాస్ విజిల్ వేశాడు. కానీ త‌న కోసం కాదు. త‌న స్నేహితుడు కోసం. టాలీవుడ్‌లో బెస్ట్ ఫ్రెండ్స్ గురించి మాట్లాడుకునే సంద‌ర్భం వ‌చ్చిన ప్ర‌తిసారి మ‌న‌కు వినిపించే పేర్లు ప్రభాస్-గోపీచంద్. ఇందులో ప్రభాస్ ఇప్పుడు పాన్ ఇండియా రేంజ్‌కు పెరిగిన త‌న ఫ్రెండ్ గోపీచంద్‌కు ఎప్ప‌టికీ అండగా నిల‌బ‌డుతూ వ‌స్తున్నాడు. త‌న సినిమాలకు సంబంధించిన వీలైనంత స‌పోర్ట్‌ను అందిస్తున్నాడు. లేటెస్ట్‌గా గోపీచంద్ హీరోగా న‌టించిన ‘సీటీమార్’ సినిమా విడుద‌లై మంచి విజ‌యాన్ని ద‌క్కించుకుంది. తొలిరోజునే దాదాపు నాలుగు కోట్ల‌కు పైగా వ‌సూళ్ల‌ను సాధించింది. సెకండ్ కోవిడ్ స‌మ‌యంలో దేశం యావ‌త్తు విడుద‌లైన సినిమాల్లో టాప్‌ క‌లెక్ష‌న్స్ సాధించిన సినిమాగా సీటీమార్ రికార్డ్‌ను క్రియేట్ చేసింది. ఇప్పుడు సీటీమార్‌ను కలెక్ష‌న్స్‌ను డ్రాప్ కానీయ‌కుండా నెక్ట్స్ రేంజ్‌కు తీసుకెళ్లే బాధ్య‌త‌ను ప్రభాస్ తీసుకున్నాడు. అందులో భాగంగా త‌న ఇన్‌స్టాగ్రామ్‌లో గోపీచంద్‌ను, సీటీమార్ స‌క్సెస్ గురించి అప్రిషియేట్ చేస్తూ ఓ విజిల్ బొమ్మ‌ను పోస్ట్ చేశాడు. ‘‘నా స్నేహితుడు ‘సీటీమార్’తో బ్లాక్‌బ‌స్ట‌ర్ కొట్టాడు. చాలా హ్యాపీగా ఉంది. ఇప్పుడున్న కోవిడ్ సెకండ్ వేవ్‌ ప‌రిస్థితుల్లో తొలి భారీ చిత్రాన్ని రూపొందించి విడుద‌ల చేసిన టీమ్‌కు హ్యాట్సాఫ్‌’’ అని మెసేజ్ పోస్ట్ చేశాడు. ప్రభాస్ ఇలా స‌పోర్ట్ చేయ‌డం చూసిన నెటిజ‌న్స్ నిజంగానే మా ప్రభాస్ మ‌న‌సు ఎంతో మంచిద‌ని ప్ర‌శంసిస్తున్నారు. గోపీచంద్, త‌మ‌న్నా, దిగంగ‌నా సూర్య‌వంశి హీరో హీరోయిన్లుగా క‌బ‌డ్డీ స్పోర్ట్స్ బ్యాక్‌డ్రాప్‌తో రూపొందిన యాక్ష‌న్ క‌మ‌ర్షియ‌ల్ ఎంట‌ర్‌టైన‌ర్ సీటీమార్. సంప‌త్ నంది ద‌ర్శ‌కుడు శ్రీనివాసా చిట్టూరి నిర్మాత. వినాయ‌క చ‌వితి పండ‌గ సినిమాకు బాగా క‌లిసొచ్చింది. ముఖ్యంగా బి, సి సెంటర్స్‌లో సీటీమార్‌కు చాలా మంచి క‌లెక్ష‌న్స్ వ‌చ్చాయ‌ని ట్రేడ్ వ‌ర్గాల టాక్‌.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3hpxsPb
No comments:
Post a Comment