ఈ రోజు (ఆగస్టు 22) సందర్భంగా ఆయనకు పలువురు సెలబ్రిటీలు శుభాకాంక్షలు తెలుపుతున్నారు. అంటే ఎంతో అభిమానించే దర్శకులు, నటీనటులు ఆయనకు బర్త్ డే విషెస్ పోస్ట్ చేస్తూ మెగాస్టార్ నటనపై ప్రశంసలు గుప్పిస్తున్నారు. ఈ నేపథ్యంలోనే దర్శకేంద్రుడు , డాషింగ్ డైరెక్టర్ , కొరటాల శివ ప్రత్యేకంగా వీడియోల ద్వారా చిరంజీవికి బర్త్ డే విషెస్ చెప్పారు. ''సార్.. ఓ ఫ్యాన్‌గా మేమంతా ఎన్నో ఏళ్లుగా సెలబ్రేట్ చేసుకుంటున్న రోజు ఇది. మీ పుట్టిన రోజు వస్తే థియేటర్ అంతా కడిగేసేవాళ్ళం. తోరణాలు కట్టేవాళ్ళం. బ్యాండ్ పెట్టి డాన్స్ చేసేవాళ్ళం. మీ పాటలు రిలీజ్ అవుతున్నాయంటే తెల్లవారు జామున 4 గంటలకే వెళ్లి ఆడియో షాప్ ముందు నిల్చునేవాళ్ళం. మార్నింగ్ షోలకు వెళ్లి షర్ట్స్ చింపుకునేవాళ్ళం. ఆ రోజులు ఇంకా మర్చిపోలేదు. ఎప్పటికీ మిమ్మల్ని ప్రేమిస్తూనే ఉంటాం. మీరు బాగుండాలి. మీ వెనకే మేమంతా ఉండాలి'' అన్నారు పూరి జగన్నాథ్. ''మా మెగాస్టార్ చిరంజీవి గారికి జన్మదిన శుభాకాంక్షలు. ఆయనతో సినిమా చేసే అవకాశం రావడం నిజంగా అదృష్టం. ఆయన నుంచి చాలా నేర్చుకున్నాం. నా జీవితంలో ఉన్న గొప్ప జ్ఞాపకాల్లో ఇదొకటి. మా మెగాస్టార్ ఇంకా ఎన్నో ఏళ్ళు మనల్ని అందరినీ అలరించాలని, మాకెంతో నేర్పాలని ఆశిస్తూ హ్యాప్పీ బర్త్ డే మెగాస్టార్'' అని కొరటాల శివ అన్నారు. ''చిరంజీవి పుట్టినరోజు అనేది మా సినిమా ఫంక్షన్స్ అన్నింటిలో చాలా ముఖ్యమైన రోజు. మద్రాస్‌లో ఉన్నప్పుడు చిరంజీవి బర్త్ డేకి అందరం కలుసుకునేవాళ్ళం. నాకన్నా చిరంజీవి చిన్నవాడే అయినా నేను ‘బాబాయ్‌’ అని పిలిచేవాడిని. ఇప్పటికీ, ఎప్పటికీ చిరంజీవి జగదేకవీరుడే. మంచితనం, సంస్కారం ఆయనకు అలంకారాలు. ‘ఆచార్య’ సినిమా చూడటానికి ఆసక్తిగా ఎదురుచూస్తున్నాను'' అని రాఘవేంద్ర రావు అన్నారు. ''చిరంజీవి, నీకు జన్మదిన శుభాకాంక్షలు. ఆయురారోగ్య ఐశ్వర్యాలతో సుఖంగా, క్షేమంగా ఉండాలని, నువ్వు ఇంకా మంచి కీర్తి ప్రతిష్ఠలు తెచ్చుకోవాలని మనసారా కోరుకుంటున్నాను. ‘శతమానం భవతి శతాయః పురుషశ్శతేంద్రియ ఆయుష్యేవేంద్రియే ప్రతితిష్ఠతి’ అని పెద్దవాడిగా ఆశీర్వదిస్తున్నాను'' అని దర్శకులు కె. విశ్వనాథ్‌ అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3mnUzgg
No comments:
Post a Comment