బాలీవుడ్ యంగ్ హీరో ఆత్మహత్య సినీపరిశ్రమలో కలకలం రేపుతోంది. బాలీవుడ్‌లో అయితే ప్రముఖ నిర్మాతలు, హీరోలపై వరుస విమర్శలు వస్తున్నాయి. సోషల్ మీడియా వేదికగా నెటిజన్లు కడిగి పారేస్తున్నారు. మరీ ముఖ్యంగా బాలీవుడ్ అగ్ర నిర్మాత కరణ్ జొహార్‌పై నెటిజన్స్ తీవ్ర స్థాయిలో విమర్శలు చేస్తున్నారు. గత 6 నెలల్లో సుశాంత్ ను 7 సినిమాల నుంచి తొలగించారనే ఓ డైరెక్టర్ చెప్పడంతో ఆయన అభిమానులు మరింత షాక్ తిన్నారు. ఈ నేపథ్యంలో కరణ్ జొహార్ వంటి సినీ ప్రముఖులపై సోషల్ మీడియాలో విమర్శలు వెల్లువెత్తుతున్నాయి. దీనిపై దర్శకుడు స్పందించారు. 'జరిగిన దానికి కరణ్ జొహార్ ను విమర్శించడం హాస్యాస్పదం. సినీ పరిశ్రమ ఎలా నడుస్తుందో తెలియక విమర్శిస్తున్నారు. సుశాంత్ తో ఇబ్బంది ఉన్నప్పుడు... అతనితో పని చేయాలా, వద్దా అనేది కరణ్ సొంత నిర్ణయంపై ఆధారపడి ఉంటుంది. ఎవరితో కలిసి పని చేయాలనేది ప్రతి నిర్మాత సొంత నిర్ణయం. డబ్బు, పేరు వచ్చిన 12 ఏళ్ల తర్వాత ఇండస్ట్రీకి వెలుపలి వ్యక్తిగా సుశాంత్ ఫీల్ అయి సూసైడ్ చేసుకున్నాడని అనుకున్నట్టైతే... సుశాంత్ దరిదాపుల్లోకి కూడా రాలేకపోయిన వ్యక్తులు రోజుకు కనీసం 100 మంది తనువు చాలించాలి. నీకున్న దానితో నీవు సంతోషంగా లేనప్పుడు... నీకు ఎంత ఉన్నప్పటికీ సంతోషంగా ఉండలేవు. గత కొన్ని రోజులగా సుశాంత్‌ను బాలీవుడ్ వేరేగా పెట్టిందని.. పార్టీలకు పిలవలేదని అంటున్నారు. అలాంటి సమయంలో వలస కార్మికులు ఖాళీ కడుపులతో కాళ్లతో వేల కిలోమిటర్లు నడిచిన వాళ్లు తమను తాము చంపుకోవాలి అంటూ వర్మ ట్వీట్ చేశారు. ములాయం, ఉద్ధవ్ థాకరే వంటి రాజకీయవేత్తలు తమ కుమారులు, బంధువులకు ప్రాధాన్యత ఇచ్చినట్టు... ముఖేశ్, అనిల్ కు ధీరూబాయ్ అంబానీ డబ్బు ఇచ్చినట్టు... అన్ని కుటుంబాలు తమ సొంత వ్యక్తులకు ప్రాధాన్యత ఇచ్చినట్టు... బాలీవుడ్ కుటుంబాలు కూడా వారి సొంత వ్యక్తులకు అదే ప్రాధాన్యతను ఇచ్చాయి. బంధుప్రీతి లేనిది ఎక్కడ?' అంటూ రామ్ గోపాల్ వర్మ ట్విట్టర్ ద్వారా వ్యాఖ్యానించారు. బంధు ప్రీతి లేకుంటే సమాజం మొత్తం కుప్పకూలిపోతుందన్నారు. నీ భార్య పిల్లల్ని నువ్వు ప్రేమించనంతగా పక్కవాళ్లు ప్రేమించరరన్నారు వర్మ. నెపోటిజమ్ అనేది సోషల్ స్ట్రక్చర్‌లో ఫండ్ మెంటల్ టెంట్ లాంటిందన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3e8QLsn
No comments:
Post a Comment