హీరో అర్జున్ తెలుగు ప్రేక్షకులకు సుపరిచితులే. కోడి రామకృష్ణ ‘మా పల్లెలో గోపాలుడు’ సినిమాతో అర్జున్ టాలీవుడ్కు పరిచయమయ్యారు. ఆ తరవాత పలు చిత్రాల్లో మంచి నటన కనబరిచి తెలుగు ప్రేక్షకులకు దగ్గరయ్యారు. దక్షిణాదిలో స్టార్ హీరోలలో ఒకరిగా ఎదిగారు. ముఖ్యంగా ‘జెంటిల్మేన్’, ‘ఒకే ఒక్కడు’, ‘హనుమాన్ జంక్షన్’ సినిమాలతో తెలుగు ప్రేక్షకులను మెప్పించారు. అయితే, ఈయన తెలుగులో చేసిన సినిమాలు చాలా తక్కువ. అత్యధికంగా తమిళం నుంచి తెలుగులోకి అనువాదమైనవే. ఇదిలా ఉంటే, అర్జున్తో ఒకప్పటి నటి, ప్రస్తుత ఎమ్మెల్యే రోజాకు మంచి స్నేహం ఉంది. ఆయనతో కలిసి ‘ఆయుధ పూజ’ సహా పలు సినిమాల్లో ఆమె నటించారు. అయితే, గ్రీన్ ఇండియా ఛాలెంజ్లో భాగంగా అర్జున్తో రోజా మొక్కలు నాటించారు. గ్రీన్ ఇండియా ఛాలెంజ్, రోజా వనం సంయుక్తంగా నిర్వహించిన కార్యక్రమంలో భాగంగా ఆదివారం అర్జున్ మూడు మొక్కలు నాటి మరో ముగ్గురిని నామినేట్ చేశారు. స్వయంగా రోజా వెళ్లి అర్జున్తో మొక్కలు నాటించారు. పర్యావరణ పరిరక్షణకి తెలంగాణ ఎంపీ సంతోష్ కుమార్ చేపడుతున్న గ్రీన్ ఇండియా ఛాలెంజ్ని స్పూర్తిగా తీసుకొని రోజా మొక్కలు నాటించాలని నిర్ణయం తీసుకున్నారు. దీనిలో భాగంగానే అర్జున్తో మొక్కలు నాటించారు. ఈ సందర్భంగా అర్జున్ మాట్లాడుతూ.. ‘‘భవిష్యత్తుని దృష్టిలో పెట్టుకుని భావితరాలకు మంచి ఆక్సిజన్ అందించాలనే సంకల్పం గొప్పది. దానికి రోజా మొక్కలు నాటించే కార్యక్రమం చేపట్టడం అభినందనీయం. ఈ గ్రీన్ ఇండియా ఛాలెంజ్, రోజావనంలో జగపతిబాబు, ప్రముఖ దర్శకుడు, రోజా భర్త ఆర్కే సెల్వమణి, నటి ఖుష్బూ పాల్గొనాలని వారికి ఛాలెంజ్ విసురుతున్నాను’’ అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2vahWl1
No comments:
Post a Comment