అబ్దుల్ ఖాలిక్‌గా మారిన హీరో శింబు

తమిళ హీరో శింబు గురించి తెలుగు ప్రేక్షకులకు పరిచయం అవసరంలేదు. ప్రముఖ దర్శకుడు టి.రాజేందర్ తనయుడు అయిన శింబు కేవలం నటుడు మాత్రమే కాదు.. డైరెక్టర్, రైటర్, మ్యూజిక్ కంపోజర్, ప్లేబ్యాక్ సింగర్ కూడా. సరిగ్గా 18 ఏళ్ల క్రితం ‘కుర్రాడొచ్చాడు’ సినిమా ద్వారా శింబు తెలుగు ప్రేక్షకులకు పరిచయమయ్యారు. ఆ తర్వాత ‘మన్మథ’, ‘వల్లభ’ సినిమాలతో మంచి క్రేజ్‌ను సొంతం చేసుకున్నారు. కానీ, ఆ తర్వాత తన మార్కెట్‌ను శింబు నిలబెట్టుకోలేకపోయారు. అయితే, 2018లో మణిరత్నం దర్శకత్వంలో వచ్చిన ‘నవాబ్’ సినిమాతో మరోసారి తెలుగు ప్రేక్షకులను పలకరించారు శింబు. కానీ, ఈ సినిమాలో ఆయన బాగా లావుగా కనిపించారు. ఈ సినిమా కూడా ప్రేక్షకులను పెద్దగా ఆకట్టుకోలేకపోయింది. ఇదిలా ఉంటే, ప్రస్తుతం శింబు తన లుక్ మొత్తాన్ని మార్చేశారు. ‘నవాబ్’లో శింబు లుక్‌కి ఇప్పుడు శింబు లుక్‌కి అస్సలు సంబంధంలేదు. అంతలా మారిపోయారు ఆయన. దీనికి కారణం ‘‘మానాడు’’ సినిమాలో ఆయన చేస్తున్న పాత్ర. Also Read: వెంకట్ ప్రభు దర్శకత్వంలో శింబు హీరోగా తెరకెక్కుతోన్న పొలిటికల్ డ్రామా ‘‘మానాడు’’. ఇటీవలే ఈ చిత్ర షూటింగ్ ప్రారంభమైంది. ఈ సినిమాలో ముస్లిం నాయకుడిగా శింబు కనిపించనున్నారు. ఆయన పాత్ర పేరు అబ్దుల్ ఖాలిక్. ప్రస్తుతం ఆయన ఆ పాత్ర లుక్‌లోనే ఉన్నారు. మీసాలు తీసేసి, గడ్డం ట్రిమ్ చేసి అచ్చం ముస్లిం యువకుడిలా తయారయ్యారు. నిజానికి ఈ లుక్‌ను చిత్ర యూనిట్ అధికారికంగా విడుదల చేయలేదు. కాకపోతే, శనివారం సాయంత్రం చెన్నైలోని ధనలక్ష్మి శ్రీనివాసన్ కాలేజీలో ‘‘నక్షత్ర 2020’’ అనే కార్యక్రమం నిర్వహించారు. ఈ కార్యక్రమంలో శింబు పాల్గొన్నారు. ఇక్కడ ‘మానాడు’ లుక్‌లో శింబు కనిపించారు. Also Read: కాగా, శింబు-వెంకట్ ప్రభు కాంబినేషన్‌లో ఇప్పటికే ‘గోవా’, ‘సరోజ’, ‘మంకఠ’, ‘బిర్యాని’ సినిమాలు వచ్చాయి. వాస్తవానికి ‘మానాడు’ సినిమా ఎప్పుడో ప్రారంభంకావాల్సి ఉంది. కానీ, పలు కారణాల వల్ల వాయిదాపడుతూ వచ్చింది. ఒకానొక దశలో ఈ సినిమా ఆగిపోయిందని, అసలు ఈ సినిమాను శింబు చేయడంలేదని వార్తలు వచ్చాయి. ఎట్టకేలకు, ఈ సినిమా ద్వారా శింబు ప్రేక్షకుల ముందుకు రావడానికి సిద్ధమవుతున్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/37WLAYF