ఒకప్పుడు అంటే స్టార్ హీరోలకు గట్టిపోటీ. ఆమె సినిమాలు విడుదలౌతున్నాయంటే స్టార్ హీరోల సినిమాలు సైతం వాయిదా వేసుకునే పరిస్థితి. స్టార్ హీరోలతో సమానం రెమ్యునరేషన్ తీసుకుని.. సౌత్ ఇండియాలో సంచలన నటిగా పేరొందిన షకీలా ఈ మధ్యకాలంలో సినిమాలకు దూరమయ్యారు. ఇటీవల సంపూర్ణేష్ బాబు కొబ్బరి మట్ట చిత్రంలో రీ ఎంట్రీ ఇచ్చి అలరించారు. అయితే తనను ఇంకా శృంగార తారగానే చూస్తున్నారని.. షకీలా అంటే వల్గారిటీ సినిమాలకిందే లెక్కవేసి తన సినిమాలు సెన్సార్ వాళ్లు అడ్డుకుంటున్నారంటూ ఆవేదన చెందింది షకీలా. షకీల ప్రధానపాత్రధారిణిగా విక్రాంత్, పల్లవి ఘోష్ జంటగా 24 క్రాఫ్ట్స్ బ్యానర్పై సతీష్ వీఎన్ '' అనే సినిమాను రూపొందించారు. సీవీ రెడ్డి సమర్పణలో సి.హెచ్ వెంకట్ రెడ్డి నిర్మాతగా సాయిరాం దాసరి దర్శకత్వ పర్యవేక్షణ వహిస్తున్నారు. ఈ సినిమా ఫస్ట్ గ్లిమ్స్ ఆవిష్కరణ ఆదివారం ఫిల్మ్ చాంబర్లో జరిగింది. ఈ కార్యక్రమంలో నటి షకీల మాట్లాడుతూ .. ‘నేను నిర్మించిన 'లేడీస్ నాట్ అలౌడ్' సినిమా పది నెలలుగా సెన్సార్ అవడం లేదు. ఎంతో వల్గారిటీతో వచ్చిన సినిమాలు రిలీజ్ అయ్యాయి. కానీ మా సినిమాకే సెన్సార్ వాళ్లు ఎందుకు అభ్యంతరాలు చెపుతున్నారో అర్థం కావడం లేదు. ప్రస్తుతం ట్రిబ్యునల్ లో ఉంది. షకీలా అంటే వల్గారిటీ సినిమాలేనా.. ఫ్యామిలీ సినిమాలు చేయదా అనే విమర్శలున్నాయి. అన్ని రకాల సినిమాలు చేయగలనని నిరూపించడం కోసం కుటుంబ కథాచిత్రంగా ఈ సినిమా చేస్తున్నాను. షకీలా నిర్మాత అంటేనే సెన్సార్ ఇవ్వడం లేదు.. ఇది నేను రాసిన కథ అంటే ఇంకా ఎన్ని ఇబ్బందులు పెడతారో. కానీ ఇది ప్యూర్ ఫ్యామిలీ ఎంటర్ టైనర్ చిత్రం’ అని అన్నారు. దర్శకుడు సతీష్ వి.ఎన్ మాట్లాడుతూ .. ‘కొత్తగా ప్రయత్నించాం. అన్ని వర్గాలకు నచ్చే మంచి ఫ్యామిలీ ఎంటర్టైనర్. ఏప్రిల్ లో విడుదలకు ప్లాన్ చేస్తున్నాం' అని అన్నాడు. హీరో విక్రాంత్ మాట్లాడుతూ ‘గత చిత్రం 'లేడీస్ నాట్ అలౌడ్'కి సహనిర్మాతగా పనిచేశాను. ఆ సినిమా విడుదలకు చాలా ఇబ్బందులు పడుతున్నాం. ఈ చిత్ర షూటింగ్ పూర్తయింది. ప్రస్తుతం పోస్ట్ ప్రొడక్షన్ వర్క్ జరుగుతోంది. సాయిరాం దాసరి కొత్తగా ప్రయత్నించాడు. కచ్చితంగా ఆకట్టుకుంటుందని నమ్ముతున్నాం’ అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/36TDa3s
No comments:
Post a Comment