కళ్లు అందంగా, తాజాగా ఉండాలంటే ఇలా చేయండి..

కొన్ని సార్లు నిద్ర సరిపోక.. అధికమై కళ్లు వాచి చూడ్డానికి ఇబ్బందిగా ఉంటాయి. ఇలాంటప్పుడు కొన్ని చిట్కాలు తీసుకోవడం వల్ల సమస్య తగ్గుతుంది. ఇలా చేస్తే కళ్లు కూడా అందంగా, కాంతివంతంగా మారతాయి.. ఆ చిట్కాలు ఏంటో ఇప్పుడు చూద్దాం.. కళ్లు అనేవి ముఖానికి అదనపు అందాన్ని తీసుకొస్తాయి. కళ్లు ఎంత కాంతివంతంగా ఉంటే ముఖం అంత అందంగా కనిపిస్తుంది. అందుకే కవులు సైతం.. కళ్లు అనగానే కలువలతో పోలుస్తారు. నయనాలు ఎంత బావుంటే అంత అందంగా కనిపిస్తారు. అయితే, కొన్ని సార్లు కళ్లు నిర్జీవంగా కనిపిస్తుంటాయి. దీనికి అనేక కారణాలు ఉంటాయి. ఆరోగ్యం సరిగా లేకపోవడం, నిద్ర సరిపోకపోవడం, ఎక్కువగా నిద్రపోవడం.. ఇలాంటి కారణాలతో కళ్లు చూడ్డానికి ఇబ్బందిగా ఉంటాయి.. ఇలాంటప్పుడు కొన్ని జాగ్రత్తలు తీసుకుంటే కళ్లు మళ్లీ అందంగా, కాంతివంతంగా కనిపిస్తాయి. అవేంటంటే.. ఉదయం లేవగానే కళ్లు వాపు వచ్చినట్లు ఉంటే.. చల్లని నీటిని తీసుకోండి. వాటితో ముఖం కడగండి.. వీటిని తాగొచ్చు. ఇలా చేయడం వల్ల కాసేపటికి వాపు తగ్గుతుంది. ముఖాన్ని చల్లని నీటితో కడగడం వల్ల ముఖం కూడా అందంగా మారుతుంది. కళ్ల వాపు తగ్గుతుంది. రెగ్యులర్‌గా ఇలా చేస్తుంటే మీ కళ్లు ఎంతో కాంతివంతంగా, అందంగా మారతాయి. స్పూన్స్‌తోనూ.. సమస్యని తగ్గించుకునేందుకు రెండు చెంచాలను తీసుకుని కాసేపు ఫ్రిజ్‌లో పెట్టాలి.. కాసేపటి తర్వాత వీటిని వాచిన కళ్లపై అదిమినట్లు పట్టుకోవాలి. ఇలా చేయడం వల్ల ఆ చల్లదనానికి వెంటనే కళ్ల వాపు వెంటనే తగ్గుతుంది. అయితే మరీ నొక్కినట్లు కాకుండా.. అదిమిపెడితే చాలు.. ఇలా చేస్తుండడం వల్ల కళ్ల వాపు త్వరగా తగ్గుతంది. గ్రీన్ టీ బ్యాగ్స్.. వీటితో పాటు గ్రీన్ టీ బ్యాగ్స్‌ని కూడా కాసేపు ఫ్రిజ్‌లో ఉంచి వాటిని కళ్లపై పెట్టడం వల్ల త్వరగా సమస్య తగ్గుతుంది. అదే విధంగావీటిని ఇలా పెట్టుకుండడం వల్ల కళ్లు కాంతివంతంగా కూడా మారతాయి. అందంగా కనిపిస్తాయి. రిలాక్స్ అవుతాయి. కాబట్టి ఈ చిట్కా కూడా బాగానే పనిచేస్తుంది. కీరా ముక్కలు.. కీరా ముక్కలు కూడా కళ్లని కాంతివంతంగా మార్చడంలో బాగా పనిచేస్తాయి. కీరాని చక్రల్లా కట్ చేసి ఫ్రిజ్‌లో పెట్టి లేదా అలానే కళ్లపై పెట్టుకోవాలి. 5 నుంచి 10 నిమిషాల తర్వాత తీయాలి. ఇలా చేస్తుంటే కళ్లు రిలాక్స్ అయి అందంగా కనిపిస్తాయి. వీటితో పాటు కాటన్ ప్యాడ్స్ తీసుకుని వాటిపసై కొద్దిగా రోజ్ వాటర్ వేసి అలానే ఫ్రిజ్‌లో పెట్టి ఆ తర్వాత కళ్లపై పెట్టాలి. ఇలా చేస్తుండడం వల్ల త్వరగా కంటి సమస్యలు తగ్గుతాయి. అందంగా మారతాయి. ఇలాంటి టిప్స్ రెగ్యులర్‌గా పాటిస్తుంటే కళ్లు అందంగా మారుతాయి. కంప్యూటర్ ఎక్కువగా చూడడం, గ్యాడ్జెట్స్‌ని ఎక్కువగా వాడడం వల్ల కళ్లు కాంతిహీనంగా తయారవుతాయి. కాబట్టి వాటి వాడకాన్ని తగ్గించండి. లేదు కచ్చితంగా వాడాలి అంటే బ్రైట్ నెస్ తగ్గించి వాడండి. వీటితో పాటు బయటికి వెళ్లినప్పుడు ఎక్కువగా సన్ గ్లాసెస్ వాడడం అలవాటు చేసుకుంటుండండి. దీని వల్ల కళ్లు కాంతి కోల్పోకుండా ఉంటాయి. సరిపడినంత నిద్రపోవడం, విటమిన్ ఏ ఉన్న ఆహారం తీసుకోవడం వంటివి చేస్తుండడం వల్ల కూడా కళ్లు కాంతివంతంగా మారతాయి.

from Beauty Tips in Telugu: అందం చిట్కాలు, Homemade Natural Beauty Tips Telugu - Samayam Telugu https://ift.tt/38LQMQK