చిరంజీవి, మహేష్ నిజమైన హీరోలు.. వాళ్లే నాకు స్ఫూర్తి: కార్తికేయ

‘ఆర్ఎక్స్ 100’ సినిమాతో హీరోగా యువతలో తనకంటూ ఒక ప్రత్యేకమైన గుర్తింపు తెచ్చుకున్న నటుడు కార్తికేయ. ఇక ఇప్పుడు సరికొత్త కిక్ ఇవ్వడానికి మరో డిఫరెంట్ సినిమాతో ప్రేక్షకుల ముందుకు రాబోతున్నాడు. అదే 90ML. నేహా సోలంకి హీరోయిన్‌గా కొత్త దర్శకుడు శేఖర్‌రెడ్డి యర్ర దర్శకత్వంలో తెరకెక్కిన ఈ సినిమాను కార్తికేయ క్రియేటివ్ వర్క్స్ బ్యానర్‌పై అశోక్‌రెడ్డి గుమ్మకొండ నిర్మించారు. లవ్ అండ్ యూత్‌ఫుల్ ఎంటర్‌టైనర్‌గా రూపొందిన ఈ చిత్రం డిసెంబర్ 5న విడుదల కానుంది. ఈ నేపథ్యంలో చిత్ర ప్రచారంలో భాగంగా శనివారం ప్రీ రిలీజ్ వేడుకను నిర్వహించింది. డైరెక్టర్ అజయ్ భూపతి సినిమా బిగ్ సీడీని లాంచ్ చేశారు. వేడుకలో హీరో సందీప్ కిషన్, జానీ మాస్టర్, రోల్ రిడా, తాగుబోతు రమేష్, విఠల్ రెడ్డి, రజిని తదితరులు పాల్గొన్నారు. Also Read: ఈ వేడుకలో హీరో కార్తికేయ మాట్లాడుతూ.. ‘‘ఇదొక ఫ్యామిలీ ఈవెంట్‌లా ఉంది. ఇంతగా సపోర్ట్ ఇచ్చిన అభిమానులకు ముందుగా నా ప్రత్యేక కృతజ్ఞతలు. మొదట దర్శకుడు శేఖర్ వేరే కథ చెప్పారు. ఆ తరువాత ఫస్ట్ హాఫ్ వరకు సెట్ చేసుకున్న 90ML అనే కథ చెప్పారు. మందు తాగకపోతే బతకని ఒక వ్యక్తి.. మందు వాసన అంటే పడని ఒక తండ్రి కూతురికి మధ్య నడిచే లవ్ స్టోరీ అనగానే నాకు బాగా నచ్చేసింది. అప్పుడు ఫస్ట్ హాఫ్ ఒక్కటే చెప్పారు. ఒకరోజు ఫోన్ చేసి 90ML టైటిల్ అనగానే డిఫరెంట్‌గా అనిపించింది. అప్పుడే మంచి బడ్జెట్‌లో సినిమాను నిర్మించాలని సొంతంగా మా హోమ్ బ్యానర్‌లో సినిమాని నిర్మించాం. మెగాస్టార్ చిరంజీవి సినిమాలు చూసి హీరో అవ్వాలని అనుకున్నా. నేను చేసిన ప్రతి సినిమాలో నేను అంత బాగా నటించడానికి కారణం నా దర్శకులు. నా తల్లిదండ్రులు, అలాగే నా బాబాయ్ నా కోసం మరోసారి సపోర్ట్ చేశారు. వీళ్ళే నా బ్యాక్‌గ్రౌండ్. Also Read: ఆర్ఎక్స్ 100తో డబుల్ ప్రాఫిట్స్ అందుకున్నాం. ఇక ఇప్పుడు సినిమాతో ట్రిపుల్ ప్రాఫిట్స్ వస్తాయి. ఈ సినిమా నాకు చాలా ముఖ్యం. అందరికంటే ఎక్కువగా శేఖర్ గారికి ఈ సినిమా మంచి సక్సెస్ ఇవ్వాలి. 15 ఏళ్ల నుంచి ఎంతో స్ట్రగుల్ అవుతున్న శేఖర్ ఈ సినిమా కోసం చాలా కష్టపడ్డారు. రవి కిషన్ గారు ఈ సినిమాలో చాలా బాగా యాక్ట్ చేశారు. సాధారణంగా ఆయనను ‘రేసుగుర్రం’ రవికిషన్ అంటారు. ఇక ఇప్పుడు 90ML రవికిషన్ అంటారు. నేను విలన్‌గా చేసినా హీరోగా చేసినా ఏం చేసినా ఆడియన్స్ ఆదరిస్తారు అనే ఒక ధైర్యం వచ్చింది. నా దృష్టిలో మెగాస్టార్, మహేష్ నిజమైన హీరోలు. వారే నాకు స్ఫూర్తి. ఆడియన్స్‌ని ఇంప్రెస్ చేయడానికి నేను ఎలాంటి పాత్రలైనా చేస్తాను. ఫైనల్‌గా డిసెంబర్ 5న మా సినిమాతో 90ML కాదు.. 900ML కిక్ వస్తుంది. ఈ సినిమా ఆల్కహాలిక్‌ని ప్రోత్సహించదు. ఈ సినిమా ఆరోగ్యకరమైన కిక్‌ను ఇస్తుంది’’ అని లిక్కర్ డైలాగ్ చెప్పి ఆడియన్స్ చేత కార్తికేయ విజిల్స్ వేయించారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2P6DSn4