రౌడీ బాయ్ తన తర్వాతి సినిమా కోసం తెగ కష్టపడుతున్నాడు. డ్యాషింగ్ డైరెక్టర్ పూరీ జగన్నాథ్ దర్శకత్వం వహిస్తున్న ఈ సినిమాకు ‘ఫైటర్’ అనే టైటిల్ ఖరారు చేసారు. తెలుగు, హిందీతో పాటు దక్షిణాది భాషలన్నింటిలో తెరకెక్కుతున్న ఈ సినిమాకు బాలీవుడ్‌ దర్శక నిర్మాత కరణ్‌ జోహార్ సమర్పకుడిగా వ్యవహరిస్తున్నాడు. పూరి కనెక్ట్స్‌ బ్యానర్‌పై పూరి జగన్నాథ్, ఛార్మీ కలిసి నిర్మిస్తున్నారు. ప్యాన్‌ ఇండియా సినిమా కావటంతో ఈ సినిమాను హీరోయిన్‌ బాలీవుడ్‌ నటి అయితే బిజినెస్‌ పరంగా కూడా ప్లస్ అవుతుందని భావిస్తున్నారు చిత్రయూనిట్. ఈ సినిమాలో ముందు జాన్వి కపూర్‌ని తీసుకోవాలని అనుకున్నారు. కానీ ఆమె చేతిలో బోలెడన్ని ప్రాజెక్ట్స్ ఉండటంతో కుదరలేదు. దాంతో అనన్య పాండేను తీసుకోవాలని నిర్ణయించుకున్నారు. విజయ్ లాంటి క్రేజీ హీరో పక్కన నటించేందుకు ఎవరు మాత్రం ఒప్పుకోరు చెప్పండి. స్క్రిప్ట్ వినగానే అనన్య ఓకే చెప్పేసింది. ‘సాహో’ సినిమాలో విలన్ పాత్రలో నటించిన చుంకీ పాండే కూతురే ఈ అనన్య పాండే. గతేడాది బాలీవుడ్‌ వచ్చిన స్టూడెంట్‌ ఆఫ్‌ ద ఇయర్‌ 2 సినిమాతో వెండితెరకు పరిచయం అయ్యింది. ఆ తర్వాత ‘పతి పత్ని ఔర్ వో’ సినిమాలో నటించింది. ఈ రెండు సినిమాలు బాక్సాఫీస్ వద్ద డిజాస్టరే. మరి తెలుగు సినిమా అయినా ఆమెకు మంచి బ్రేక్ ఇస్తుందేమో చూడాలి. READ ALSO: మరోపక్క ‘వరల్డ్ ఫేమస్ లవర్’తో ఇటీవల ప్రేక్షకుల ముందుకు వచ్చిన విజయ్.. వరుసగా రెండో ఫ్లాప్ ఖాతాలో వేసుకున్నారు. క్రాంతి మాధవ్ తెరకెక్కించిన ఈ సినిమా బాక్సాఫీస్ వద్ద డిజాస్టర్ అనిపించుకుంది. అయితే ఈ సినిమాలో కొన్ని సన్నివేశాలను విజయ్ డైరెక్ట్ చేసారని అందుకే ఫ్లాప్ అయిందని కూడా వార్తలు వచ్చాయి. అయితే పూరీ చేతిలో పడిన విజయ్ పక్కాగా బ్లాక్ బస్టర్ కొడతాడనే అంటున్నారు ఫ్యాన్స్. READ ALSO:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2SSoixe
No comments:
Post a Comment