త్రిషకు వార్నింగ్.. పారితోషికంతో సగం తిరిగి ఇవ్వాల్సిందే..!

టాలీవుడ్‌లో ఒకప్పుడు ఓ వెలుగు వెలిగిన టాప్ హీరోయిన్ త్రిష.. ప్రస్తుతం కోలీవుడ్‌లో వరుసపెట్టి సినిమాలు చేస్తున్నారు. ఆమె ప్రధాన పాత్రలో నటించిన ‘పరమపదమ్ విళయాట్టు’. సుమారు ఏడాది కాలంగా వాయిదా పడుతూ వస్తూన్నో ఈ చిత్రం ఎట్టకేలకు ఫిబ్రవరి 28న విడుదలవుతోంది. విడుదల తేదీ దగ్గరపడుతుండటంతో చిత్ర బృందం ఈనెల 22న చెన్నైలోని సత్యం సినిమాస్‌లో ప్రీ-రిలీజ్ ఈవెంట్‌ను నిర్వహించారు. అయితే, ఈ ఈవెంట్‌కు త్రిష డుమ్మ కొట్టారు. దీంతో నిర్మాతలకు కోపం వచ్చింది. నిజానికి ఈ సినిమాను ప్రేక్షకుల ముందుకు తీసుకురావడానికి దర్శక నిర్మాత తిరుజ్ఞానం చాలా ఇబ్బందులు ఎదుర్కున్నారట. అలాంటిది, ఇప్పుడు ఈ సినిమా విడుదలవుతుంటే ప్రచారం చేయాల్సిన నటి డుమ్మాకొట్టడమేంటని తమిళ నిర్మాతల మండలి మండిపడుతోంది. Also Read: ఈ కార్యక్రమంలో పాల్గొన్న నిర్మాత టి.శివ మాట్లాడుతూ.. ‘‘ఈరోజుల్లో, పెద్ద పెద్ద హీరోలతో తీసిన సినిమాలు కూడా సరైన ప్రచారం లేకపోతే థియేటర్లలో సరిగా ఆడటంలేదు. ‘పరమపదం విళయాట్టు’ ఫీమేల్-సెంట్రిక్ ఫిల్మ్. త్రిష ప్రధాన పాత్ర పోషించారు. మిగిలినవారంతా కొత్తవాళ్లు. అలాంటిది ఈ కార్యక్రమానికి త్రిష రాకపోవడం బాధాకరం. ఆమె ఈ సినిమా ప్రచారం చేయకపోతే, మిగిలిన వర్థమాన నటీనటులకు గుర్తింపు రాదు. ఈ వారంలో తలపెట్టిన అన్ని ప్రమోషన్స్‌లో ఆమె పాల్గొంటారని ఆశిస్తున్నాను. అలా కానీ పక్షంలో తాను తీసకున్న పారితోషకంలో కొంత వెనక్కి ఇవ్వాల్సి ఉంటుంది’’ అని వార్నింగ్ ఇచ్చారు. Also Read: మరో నిర్మాత సురేష్ కామచ్చి మాట్లాడుతూ.. ‘‘ఆయా సినిమాల్లో నటిస్తున్న నటీనటులు దయచేసి ప్రమోషన్లకు రావాలని కోరుకుతున్నా. మేం పెద్ద మనుషులం, ఫ్యాన్స్‌ని ప్రెస్‌ను మేమెందుకు మీట్ అవ్వాలి అని భావిస్తున్నారేమో?’’ అని ఎద్దేవా చేశారు. మరో నిర్మాత కె.రాజన్ మాట్లాడుతూ.. సినిమాలో త్రిష నటనపై ప్రశంసలు కురిపించారు. చాలా బాగా చేసిందని కొనియాడారు. అయితే, ప్రచార కార్యక్రమంలో పాల్గొననందుకు త్రిషపై మండిపడ్డారు. ‘‘మూలాలు మరిచిపోతున్నారు. వారు కెరీర్‌లో ఎదగడానికి మొట్టమొదట ఎవరు సహాయం చేశారో కూడా మరిచిపోతున్నారు. కొంత మంది అయితే ఫోన్ చేసినా లిఫ్ట్ చేయడం లేదు. ఇది చాలా బాధాకరం’’ అని అన్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2TbxoW4