‘సామజవరగమన’ ఫుల్ వీడియో సాంగ్.. విజువల్స్ అదుర్స్ అంతే!

స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్‌లో వచ్చిన బ్లాక్ బస్టర్ మూవీ ‘అల వైకుంఠపురములో’. పూజా హెగ్డే హీరోయిన్. థమన్ స్వరాలు సమకూర్చారు. ఈ సినిమా ఆల్బమ్ ఎంత హిట్ అయ్యిందో అందరికీ తెలిసిందే. ముఖ్యంగా ‘సామజవరగమన’ పాట ఒక సెన్సేషన్. సిద్ శ్రీరామ్ ఆలపించిన ఈ పాటను సంగీత ప్రియులు కొన్ని వందలసార్లు వినుంటారు. సినిమాలో కూడా ఈ పాటను చాలా అందంగా చిత్రీకరించారు. కాకపోతే, పాట వచ్చే సందర్భమే ప్రేక్షకులకు పెద్దగా రుచించలేదు. ఇదిలా ఉంటే, ‘సామజవరగమన’ ఫుల్ వీడియో సాంగ్‌ను ఆదివారం చిత్ర యూనిట్ విడుదల చేసింది. 4కె రిజల్యూషన్‌తో యూట్యూబ్‌లో అప్‌లోడ్ చేసింది. ఇయర్ ఫోన్స్ పెట్టుకుని బ్రైట్ స్క్రీన్‌లో ఈ పాటను చూస్తే అచ్చం వెండితెరపై చూసినట్టే ఉంటుంది. ఈ పాటను సీనియర్ గేయ రచయిత సిరివెన్నెల సీతారామశాస్త్రి రచించారు. సిరివెన్నెల సాహిత్యం ఎంత లోతు ఉంటుందో ప్రత్యేకంగా చెప్పాల్సిన అవసరంలేదు. ఇంత మంచి సాహిత్యాన్ని సిద్ శ్రీరామ్ అంతే గొప్పగా ఆలపించారు. దీనికి థమన్ ఇచ్చిన ట్యూన్ ప్రాణం పోసింది. మొత్తంగా వీరు ముగ్గురూ కలిసి తెలుగు ప్రేక్షకులకు గుర్తుండిపోయే పాటను అందించారు. Also Read: ‘సామజవరగమన’ పాట లిరిక్స్పల్లవి నీ కాళ్లను పట్టుకుని వదలనన్నవి చూడే నా కళ్లు ఆ చూపులనల్లా తొక్కుకు వెళ్లకు దయలేదా అసలు (2 సార్లు) నీ కాళ్లను పట్టుకుని వదలనన్నవి చూడే నా కళ్లు ఆ చూపులనల్లా తొక్కుకు వెళ్లకు దయలేదా అసలు నీ కళ్లకు కావలి కాస్తయే కాటుకలా నా కలలు నువ్వు నులుముతుంటే ఎర్రగ కంది చిందేనే సెగలు నా ఊపిరి గాలికి ఉయ్యాలలూగుతు ఉంటే ముంగురులు నువ్వు నెట్టేస్తే ఎలా నిట్టూర్చవటే నిష్టూరపు విలవిలలు సామజవరగమన.. నిను చూసి ఆగ గలనా మనసు మీద వయసుకున్న అదుపు చెప్ప తగున (2) నీ కాళ్లను పట్టుకుని వదలనన్నవి చూడే నా కళ్లు ఆ చూపులనల్లా తొక్కుకు వెళ్లకు దయలేదా అసలు చరణం మల్లెల మాసమా.. మంజుల హాసమా.. ప్రతి మలుపులోన ఎదురుపడిన వెన్నెల వనమా.. విరిసిన పించెమా.. విరుల ప్రపంచమా.. ఎన్నెన్ని వన్నె చిన్నెలంటె ఎన్నగ వశమా.. అరె, నా గాలే తగిలినా.. నా నీడే తరిమినా.. ఉలకవా.. పలకవా.. భామా.. ఎంతో బ్రతిమాలినా.. ఇంతేనా అంగనా.. మదిని మీటు మధురమైన మనవిని వినుమా.. సామజవరగమన.. నిను చూసి ఆగ గలనా మనసు మీద వయసుకున్న అదుపు చెప్ప తగున (2) నీ కాళ్లను పట్టుకుని వదలనన్నవి చూడే నా కళ్లు ఆ చూపులనల్లా తొక్కుకు వెళ్లకు దయలేదా అసలు

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2SvY84v