కరోనా వైరస్‌తో సుమారు నెల రోజులపాటు పోరాడి ఇటీవలే హాస్పిటల్ నుంచి డిశ్చార్జ్ అయిన హీరో డాక్టర్ తన భార్య జీవిత, కుమార్తెలు శివాత్మిక, శివానితో కలిసి దీపావళి పండుగను జరుపుకున్నారు. ఈ మేరకు శివాత్మిక, శివాని సోషల్ మీడియాలో ఫొటోను పోస్ట్ చేశారు. తమ తండ్రి మెల్లగా కోలుకుంటున్నారని, ఆయన కోసం ప్రార్థనలు చేసిన ప్రతి ఒక్కరికీ ధన్యవాదాలు అని శివాత్మిక, శివాని పేర్కొన్నారు. రాజశేఖర్‌తో పాటు ఆయన కుటుంబం మొత్తానికి కొవిడ్-19 పాజిటివ్ వచ్చిన సంగతి తెలిసిందే. వీరు నలుగురు నెల రోజుల క్రితం హైదరాబాద్‌లోని ఓ ప్రైవేట్ హాస్పిటల్‌లో చేరారు. జీవిత, శివాత్మిక, శివాని కోలుకోగా రాజశేఖర్‌కు మాత్రం సీరియస్ అయ్యింది. దీంతో రాజశేఖర్ కుటుంబ సభ్యులతో పాటు అభిమానులు కూడా ఆందోళనకు గురయ్యారు. మొత్తానికి కరోనాను జయించిన రాజశేఖర్ హాస్పిటల్ నుంచి డిశ్చార్జ్ అయ్యారు. హాస్పిటల్ నుంచి ఇంటికి వచ్చిన తరవాత భార్యా పిల్లలతో కలిసి రాజశేఖర్ దీపావళి పండుగను జరుపుకున్నారు. రాజశేఖర్ కుమార్తెలు షేర్ చేసిన ఫొటోలో ఆయన ఆక్సిజన్ మాస్క్‌తో కనిపించారు. కానీ, కుటుంబంతో ఉత్సాహంగా ఫొటోకి పోజిచ్చారు. ఈ ఫొటోను షేర్ చేసిన శివాత్మిక.. ‘‘అందరికీ దీపావళి శుభాకాంక్షలు. నాన్న మెల్లగా కోలుకుంటున్నారు. మీరు చూపించిన ప్రేమకు చేసిన ప్రార్థనలకు మరోసారి నా హృదయపూర్వక ధన్యవాదాలు. సంతోషంగా ఉండండి, సురక్షితంగా ఉండండి’’ అని పేర్కొన్నారు. Also Read: ఇక శివాని రాజశేఖర్ అయితే ఇన్‌స్టాగ్రామ్‌లో ఎమోషనల్ మెసేజ్ పెట్టారు. ‘‘గత నెల ఇదే రోజు మేమంతా హాస్పిటల్‌లో ఉన్నాం. ఇలా ఇంటికి వచ్చి సంతోషంగా ఉంటామని, దీపావళి జరుపుకుంటామని అనుకోలేదు. మా ప్రార్థనలు ఫలించాయి. త్వరలోనే అన్నీ సర్దుకుంటాయని మా మనసుల్లో మేం బలంగా నమ్మాం. ఈ నిజం అప్పుడు ఒక పీడకల. రోజులు గడిచిపోయాయి, మేం ఇంటికి తిరిగి వెళ్తామనే కల క్షీణిస్తూ వచ్చింది. కానీ, మా ఆశ చచ్చిపోలేదు. దేవుడు గొప్పవాడు, మా కుటుంబ (అభిమానులు) ప్రార్థనలు విన్నాడు. ప్రపంచ వ్యాప్తంగా కొన్ని కోట్ల అభిమానుల ప్రార్థనలు, శుభాకాంక్షలు మా నాన్నను బతికించాయి. ప్రతి ఒక్కరికీ పేరు పేరున నేను ధన్యవాదాలు చెప్పుకోలేను. అలాగే, మాకు అండగా ఉండి, మాలో ధైర్యం నింపిన డాక్టర్లందరికీ ధన్యవాదాలు. నాన్న ఇప్పుడు బాగా కోలుకున్నారు. ఈ ప్రపంచ వ్యాప్తంగా ఉన్న నా కుటుంబ సభ్యులకు దీపావళి శుభాకాంక్షలు’’ అని శివాని పేర్కొన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2H2Cr9k
No comments:
Post a Comment