తెలుగు సినీ పరిశ్రమలో గత 12 ఏళ్లుగా కొనసాగుతూ స్టార్ హీరోయిన్ హోదాను సంపాదించుకున్నారు సమంత. అక్కినేని నాగచైతన్యను పెళ్లాడిన తరవాత హోదా మరింత పెరిగింది. అక్కినేనివారి కోడలు అనే కొత్త హోదా ఆమెకు దక్కింది. ఇన్నాళ్లూ వెండితెరపై నటిగా అలరించిన సమంత ఇప్పుడు హోస్ట్‌గా కూడా మారారు. ‘బిగ్ బాస్’ షో ఒక ఎపిసోడ్‌ను హోస్ట్ చేసి వహ్వా అనిపించారు. ఇప్పుడు ప్రముఖ ఓటీటీ సంస్థ ‘ఆహా’తో కలిసి ఒక టాక్ షోను చేస్తున్నారు. ‘సామ్ జామ్’ పేరిట ప్రారంభించిన ఈ టాక్ షో తొలి ఎపిసోడ్ ప్రస్తుతం ఆహాలో అందుబాటులో ఉంది. ‘సామ్ జామ్’ ఫస్ట్ ఎపిసోడ్‌లో గెస్ట్‌గా సెన్సేషనల్ స్టార్ విజయ్ దేవరకొండను తీసుకొచ్చారు సమంత. ఆయనతో కాసేపు ముచ్చట్లాడారు. ఈ ముచ్చట్లలో భాగంగా విజయ్ దేవరకొండపై బయట అనుకుంటున్న మాటలను సమంత ఆయన ముందు ఉంచారు. కొన్ని గ్లాస్ ఫ్రేమ్స్‌ పెట్టి ఒక్కో గ్లాస్ ఫ్రేమ్‌పై ఒక మాటను రాశారు. వాటిలో ఏవి తప్పు అనుకుంటే వాటిని సుత్తితో పగలగొట్టాలి. దాని గురించి ఆయన ఏమనుకుంటున్నారో చెప్పాలి. Generous (ఉదారత) అని ఉన్న గ్లాస్‌ను పగలగొట్టిన విజయ్.. ‘‘వరదలు వచ్చినప్పుడు నేను డబ్బులిస్తే వీడు మంచోడు అంటారు. ఇప్పుడు ఏదో నాకు తోచింది నేను చేస్తే వీడు అలా ఎందుకు చేస్తాడు అని ప్రశ్నిస్తారు. రాజకీయాల్లోకి వస్తే నేను డిక్టేటర్‌లా వ్యవహరిస్తా అన్నాను. అంతే, వీడు అలా ఎలా అంటాడు అని విమర్శించారు. నేను డబ్బులిచ్చినంత మాత్రాన నేను ఉదారతాభావం ఉన్నవాడిని కాదు. నాకు అనిపించింది ఇచ్చాను. నాకు అనిపించినప్పుడు ఇస్తాను.. అనిపించకపోతే ఇవ్వను కూడా. కాబట్టి నేను ఉదారత ఉన్నవాడిని కాదు’’ అని చెప్పారు. అయితే సమంత మాత్రం విజయ్ ఉదారత కలిగినవాడేనని అన్నారు. ఉదారత తరవాత ‘రెబల్’ అని రాసున్న గ్లాస్‌ను పగలగొట్టారు. తాను రెబల్ కాదని తేల్చి చెప్పారు. అనంతరం ‘ఇంట్రోవెర్ట్’ (లో లోపల ఆలోచించడం) గ్లాస్‌ను విజయ్ పగలగొట్టారు. తనకు క్లోజ్ అయిన వాళ్లతోనే మాట్లాడతానని.. సమంత తనతో పనిచేసింది కాబట్టి ఆమెతో మాట్లాడతానని అంతేకానీ అందరితోనూ ఫ్రీగా మాట్లాడలేనని విజయ్ విరవణ ఇచ్చారు. ఆ తరవాత ‘సింగిల్’ గ్లాస్‌ను విజయ్ పగలగొట్టారు. అంటే తాను సింగిల్ కాదని సూచన ప్రాయంగా చెప్పేశారు. ఇక ‘సీరియల్ కిస్సర్’ గ్లాస్‌ను పగలగొట్టి తానది కాదని విజయ్ చెప్పారు. ‘‘నువ్వు ప్రతి హీరోయిన్‌ని ముద్దు పెట్టుకున్నావ్’’ అని సమంత అనగానే.. ‘‘నేను సామ్‌నే ఇప్పటి వరకు ముద్దు పెట్టుకోలేదు. ఇంకేం సీరియల్ కిస్సర్’’ అని షాకిచ్చారు విజయ్. అలాగే, తాను ఎమోషనల్ కూడా కాదని ఆ గ్లాస్‌ను కూడా పగలగొట్టారు. అమ్మ కొడుకు, లాయల్ అనే రెండు మాటలు మాత్రం నిజమని అన్నారు. ఇక లాక్‌డౌన్ సమయంలో తనపై వచ్చిన ట్రోలింగ్, నెగిటివిటీ గురించి మాట్లాడుతూ దాన్ని తాను పట్టించుకోనని, సీరియస్‌గా తీసుకోనని స్పష్టం చేశారు. Also Read:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3lxIHVL
No comments:
Post a Comment