టీవీ ఆర్టిస్ట్ .. బిగ్ బాస్‌కి ముందు టీవీ సీరియల్స్‌లో కనిపించినా పెద్దగా పాపులారిటీ దక్కలేదు కాని.. బిగ్ బాస్ సీజన్ 3తో కంటెస్టెంట్స్‌గా వచ్చి క్రేజ్ దక్కించుకుంది. ఆమె గంభీరమైన గొంతు.. పక్కా మాస్ యాసతో చెవులు చిల్లుల పడేస్తుంటుంది రోహిణి. ఇటీవల జబర్దస్త్‌లోకి ఎంట్రీ ఇచ్చిన ఈ అమ్మడు డబుల్ మీనింగ్ డోస్ పెంచేసి ఊర మాస్ అనిపిస్తోంది. తాజాగా వచ్చేవారానికి సంబంధించిన ప్రోమో విడుదల చేయగా.. ఇందులో రాకింగ్ రాకేష్ సంక ఎక్కించుకుని మరీ రచ్చ చేసేసింది. బబర్దస్త్ కమెడియన్లలో రాకింగ్ రాకేష్‌ది భిన్న శైలి. మిగతా టీంలలో టీం లీడర్లు.. సపోర్టింగ్ యాక్టర్స్‌తో స్కిట్ కొడుతుంటే.. రాకింగ్ రాకేష్ చిచ్చర పిడుగుల్లాంటి ముగ్గురు చైల్డ్ ఆర్టిస్ట్‌లతో స్కిట్లు కొడుతుంటాడు. తన టీంలో చేసే యోధ, దీవెన, నిహాంత్‌‌లే మనోడికి ప్రధాన బలం. అయితే ఇటీవల ఏమైందో ఏమో కాని.. రాకేష్ స్కిట్‌లలో పిల్లలు కనిపించడం లేదు. తాజాగా రాకేష్ టీంలోకి ఎంట్రీ ఇచ్చిన రోహిణి తన ఊర మాస్ డైలాగ్‌లతో రచ్చ రచ్చ చేస్తుంది. తాజాగా విడుదలైన ప్రోమోలో.. రాకింగ్ రాకేష్‌ని సంక ఎక్కించుకుని సరదా తీర్చుకుంది రోహిణి. అంతే కాదు.. ‘ఏం రాకేష్.. మంచి ఊపులో ఉన్నావ్.. పిల్లల దగ్గర్నుంచి పిల్ల దొరికే సరికి ఆగట్లేదుగా’ అంటూ పక్కా పల్లెటూరి యాసలో పంచ్‌లు పేల్చింది. స్కిట్‌లో భాగంగా.. ‘ఏమిటో.. రోజా గారు నేను ఎంత వయసు పెరిగినా.. కనేపడదు. ఈ మధ్యనే పాలు పేకెట్టు కోసం వెళ్తే.. పోలియో చుక్కలకు పిలిచారు’ అంటూ తెగ సిగ్గుపడిపోయింది రోహిణి. ఇక వీరితో పాటు ముక్కు అవినాష్, సుడిగాలి సుధీర్, సత్తిపండు, షకలక శంకర్ స్కిట్లు కూడా బాగానే పేలేట్టుగా ప్రోమోలో కనిపిస్తున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZaK8QK
No comments:
Post a Comment