బిగ్ బాస్ షో.. ఇది మన కల్చర్ కాదు.. మన తెలుగు వాళ్లకి కనెక్ట్ కాదు.. అయినా వయసులో ఉన్న యువతీ యువకుల్ని ఒక ఇంట్లో ఉంచి.. వాళ్ల రొమాంటిక్ మాటలు, ముద్దులు, కౌగిలింతలు, కొట్లాటలను క్రియేట్ చేసి వాటిని టెలికాస్ట్ చేయడం.. నేరం.. మహా పాపం అంటూ సీపీఐ నారాయణ లాంటి కమ్యునిష్టులు గళం వినిపిస్తూనే ఉన్నారు. బిగ్ బాస్ ద్వారా విలాసవంతమైన అనైతిక చర్యలకు పాల్పడుతున్నారని.. కళామ్మతల్లికి అన్యాయం చేస్తున్నారు.. బిగ్ బాస్ షో ద్వారా సాంస్కృతిక దోపిడీ జరుగుతోందని నారాయణ ఇటీవల ఫైర్ అయిన విషయం తెలిసిందే. ఆయనతో పాటు చాలామంది ఈ షోపై అభ్యంతరాలు వ్యక్తం చేస్తూనే ఉన్నారు. వీళ్లు కనుక శనివారం నాటి ఎపిసోడ్ అలాగే.. ఆదివారం నాటి ప్రోమోలు చేస్తూ ముక్కున వేలేసుకునేట్టుగానే ఉన్నాయి. అసలే ఆ కంటెస్టెంట్లు ఎవరో అర్థం కాక.. వాళ్ల ఓవరాక్షన్ తట్టుకోలేక జనం గగ్గోలు పెడుతుండటంతో శనివారం నాటి ఎపిసోడ్కి కాస్త గ్లామర్ టచ్ ఇచ్చారు. దివి, మొనాల్ గజ్జర్, అరియానా, దేత్తడి హారిక లాంటి హాట్ బ్యూటీలు హౌస్లో ఉండటంతో వారి తడి తడి అందాలు దర్శనం కలిగేట్టు బిగ్ బాస్ హౌస్కి రెయిన్ ఎఫెక్ట్ ఇచ్చారు. ఎన్నాళ్ల గుర్తొచ్చానా వాన అంటూ సాంగ్ ప్లే చేయడంతో.. అరియానా, దివి, యాంకర్ దేవి, హారికలు వర్షంలో తడుస్తూ స్టెప్పులతో రచ్చ చేశారు. తడి అందాల ప్రదర్శన చేస్తూ హాట్ పెర్ఫామెన్స్ ఇచ్చారు. ఇక దివి అయితే స్విమ్మింగ్ పూల్లోకి దూకి అందాల సోయగం చేసింది. ఇక మగాళ్లైతే అర్థనగ్న ప్రదర్శన చేస్తూ బుల్లి బుల్లి చెడ్డీలతో అందాల భామలతో కలిసి రచ్చ చేశారు. ఇక ఆదివారం నాటి ఎపిసోడ్ ప్రోమోను విడుదల చేయగా.. కింగ్ నాగార్జున ఒక్కో జంటను పిలుస్తూ మాస్ స్టెప్పులతో రచ్చ చేయిస్తున్నారు. సండే ఫన్ డే అంటూ రాములో రాములో స్టెప్తో ఎంట్రీ ఇచ్చిన నాగార్జున.. కంటెస్టెంట్స్కి ఫన్నీ టాస్క్ ఇచ్చి వాళ్లతో డాన్స్లు చేయిస్తున్నారు. దీనిలో భాగంగా మైండ్ బ్లాక్ పాటకు దివి వైద్య మాస్ స్టెప్పులతో నిజంగానే మైండ్ బ్లాక్ చేస్తుండగా.. నీతోనే సాంగ్కి దేత్తడి హారిక స్టెప్పులు వేసింది. ఇక అందర్నీ ఆశ్చర్యపరుస్తూ సిటీ మార్ పాటకు చీరతోనే మాస్ స్టెప్పులు వేసి రచ్చ చేసింది టీవీ 9 యాంకర్ దేవి. ఈమెకు అభిజిత్ తోడు కలవడంతో బిగ్ బాస్ హౌస్ను ఊపేసింది దేవి. ఇక నక్కిలీసు గొలుసు సాంగ్కి యాంకర్ లాస్య, సూర్య కిరణ్లు ఊరమాస్ స్టెప్పులేశారు. ఇక జిగేల్ రాణి పాటకు మొనాల్.. మొహబూబ్తో కలిసి రచ్చ చేసింది. ఇక చివర్లో అమ్మడు లెడ్స్ డూ కుమ్ముడు అంటూ రంగవ్వ కూడా రాజశేఖర్ మాస్టర్తో కలిసి హౌస్లో సందడి చేస్తోంది. మొత్తానికి రికార్డింగ్ డాన్స్ని తలపిస్తూ రచ్చ రంబోలో ఆదివారం నాటి ఎపిసోడ్లో చూపించబోతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2GPvpUU
No comments:
Post a Comment