కరోనా వైరస్ విజృంభిస్తోన్న వేళ తీసుకోవాల్సిన జాగ్రత్తలను తెలియజేస్తూ దేశ వ్యాప్తంగా అన్ని రాష్ట్రాల పోలీసులు అవగాహన కార్యక్రమాలను నిర్వహిస్తున్నారు. దక్షిణాది నుంచి మొదటిగా కేరళ పోలీసులు దీనిపై ఒక అవగాహన వీడియోను విడుదల చేశారు. ఈ వీడియో ఎంటర్టైనింగ్గానూ ఇన్ఫర్మేటివ్గానూ ఉండేటట్టు చూసుకున్నారు. ‘సేఫ్ హ్యాండ్స్’ కార్యక్రమంలో భాగంగా చేతులను ఎలా శుభ్రపరుచుకోవాలో ఆ వీడియో ద్వారా ప్రజల్లో చైతన్యం కల్పించారు. ఆ తరవాత తెలంగాణ పోలీసులు సైతం ఇలాంటి కార్యక్రమాలు చేపట్టారు. హైదరాబాద్లో ట్రాఫిక్ సిగ్నల్స్ వద్ద పోలీసులు కరోనా వైరస్ పట్ల తీసుకోవాల్సిన జాగ్రత్తలను తమదైన శైలిలో వివరించారు. అయితే, ఆంధ్రప్రదేశ్లోని విజయనగరం జిల్లా పార్వతీపురం సర్కిల్ పోలీసులు కరోనా వైరస్ పట్ల తీసుకోవాల్సిన జాగ్రత్తల గురించి ఒక వీడియోను విడుదల చేశారు. ఈ వీడియోలో పోలీసు అధికారులు, కానిస్టేబుళ్లు చేతులకు గ్లౌజులు, ముఖానికి మాస్కులు పెట్టుకుని డ్యాన్స్ చేస్తూ కరోనా పట్ల తీసుకోవాల్సిన జాగ్రత్తలను వివరించారు. ‘కరచాలనం వద్దు నమస్కారమే ముద్దు’, ‘మన వ్యక్తిగత పరిశుభ్రత మనకి రక్ష’ అనే నినాదాలతో ఆ వీడియోను చేశారు. ‘అల వైకుంఠపురములో’ సినిమాలోని రాములో రాములా పాట మ్యూజిక్ను బ్యాక్గ్రౌండ్ స్కోర్గా మార్చి ఈ వీడియోను చేశారు. ఈ వీడియో చూసినవారికి ఎవరికైనా కాస్త అతిగా అనిపిస్తుంది. Also Read: అలాంటి వీడియో వివాదాస్పద దర్శకుడు రామ్ గోపాల్ వర్మ కంట పడింది. ఆయనకు కాలింది. వెంటనే ఆ వీడియోను ట్విట్టర్లో పెట్టి పోలీసులపై సెటైర్లు వేశారు. ‘‘పోలీసులు ఏం చేస్తున్నారో వాళ్లకు వాళ్లు తెలుసుకోలేకపోవచ్చు.. కానీ నా లాంటి ప్రజలు వాళ్లనే చూస్తారు. సంపూర్ణేష్ బాబు చేసే ఇలాంటి బఫూన్ వీడియోలను చేయొద్దని పోలీసులకు నేను విజ్ఞప్తి చేస్తున్నా. కరోనా వైరస్ వ్యాప్తి చెందుతోన్న ఇలాంటి సమయాల్లో పోలీసుల సామర్థ్యాన్ని నేను చూడాలనుకుంటున్నాను. అంతేకానీ, ఒక జోక్లా కనిపించకూడదు’’ అని వర్మ తన ట్వీట్లో పేర్కొన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/33D5OG5
No comments:
Post a Comment