మెగాస్టార్ మెగా ఎంట్రీతో సోషల్ మీడియా షేక్ అయిపోతుంది. అందరూ చేస్తున్న ట్వీట్లకు స్పందిస్తూ... చిరంజీవి సరద సరదాగా సమాధానాలు ఇస్తున్నారు. దీంతో చిరు సోషల్ మీడియాలోకి వచ్చిన కానుంచి ఆయన అభిమానులు బాగా ఎంజాయ్ చేస్తున్నారు. ఇక మీడియా చీరు పెట్టిన ప్రతీ పోస్టును కూడా వదలకుండా కవర్ చేస్తుంది. ముఖ్యంగా మెగాస్టార్, డైలాగ్ కింగ్ మోహన్ బాబుకు మధ్య ట్విట్టర్ వేదికగా సరద సరదా సంభాషణ కొనసాగుతోంది. ఇద్దరూ నేనంటే నేనంటూ పోటీ పడుతూ పోస్టులు పెడుతున్నారు. ఉగాది రోజున సోషల్ మీడియాలోకి వచ్చిన చిరుకు ప్రముఖ సినీ తారలు, దర్శక, నిర్మాతలు స్వాగతం పలికారు. ఈ సందర్భంగా మోహన్ బాబు కూడా మిత్రమా స్వాగతం అంటూ ట్వీట్ చేశారు. దీనికి మెగాస్టార్ స్పందిస్తూ రాననుకున్నావా, రాలేననుకున్నావా అని మోహన్ బాబుకు రిప్లై ఇచ్చారు. ఈ ట్వీట్‌కి రిప్లై ఇచ్చిన మోహన్ బాబు .. ఈ సారి హగ్ చేసుకున్నప్పుడు చెబుతాను అని అన్నారు. దీంతో ఆ ట్వీట్‌కు చిరంజీవి కౌంటర్ ఇస్తూ.. కరోనా వ్యాప్తిని అరికట్టాలంటే హగ్స్, షేక్ హాండ్స్ ఇచ్చుకోకూడదు, సోషల్ డిస్టెన్స్ అవసరం అంటూ అదరగొట్టారు. అంతేకాదు ఆయన ట్వీట్‌‌లో రాస్తూ.. కరోనా పై అవగాహన కోసమే కాకుండా మన చుట్టుపక్కల వారిని ఎలా కాపాడోలో తెలియాలంటే మంచు లక్ష్మీ రూపొందించిన వీడియో చూడాలని మోహన్ బాబుకు సలహాకూడా ఇచ్చారు. దీంతో మోహన్ బాబు మరోసారి భారీ డైలాగ్‌తో చిరు ట్వీట్‌కు సమాధానం ఇచ్చారు. ‘ మిత్రమా మహమ్మారి తాత్కాలికం. మన స్నేహం శాశ్వతం’ అంటూ చిరుకు స్నేహం కోసం సినిమానే గుర్తు చేశారు. దీంతో మరి చిరు ఈ ట్వీట్‌పై ఎలా స్పందిస్తారో చూడాలి. మొత్తం మీద సోషల్ మీడియా వేదికగా వీరిద్దరి ట్వీట్స్ మాత్రం ఫుల్ ఫన్ ఇస్తున్నాయి. అటు మంచు అభిమానులకు, ఇటు మెగా అభిమానులకు వినోదాన్ని పంచుతున్నాయి. సోషల్ మీడియాలోకి చిరు లేటుగా వచ్చిన లేటెస్ట్‌ అప్ డేట్స్‌లో మాత్రం కుర్ర హీరోలకు పక్క పెట్టి మరీ దూసుకుపోతున్నారు. దీంతో చిరు పెట్టిన ట్వీట్లన్నీ సోషల్ మీడియాలో వైరల్ అవుతున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2UrB206
No comments:
Post a Comment