అయ్యో పాపం అని అందరూ అంటారు.. కాని ఆపదలో ఆకలి తీర్చేవాడే నిజమైన హీరో. కరోనా ప్రభావంతో షూటింగ్లు మొత్తం బంద్ కావడంతో ఆకలితో ఇబ్బందులు పడుతున్న కళాకారుల కుంటుంబాలకు ఆపన్నహస్తం అదించేందుకు ముందుకు వచ్చి రియల్ హీరో అనిపించుకున్నారు రాజశేఖర్. కరోనా వైరస్ ప్రభావంతో సినిమా ఇండస్ట్రీకి కోలుకోలేని దెబ్బతగిలింది. ప్రభుత్వ సూచనల ప్రకారం ఈ వ్యాప్తి చెందుకుండా ఉండేందుకు సినిమా షూటింగ్లను రద్దు చేశారు. సినిమాలతో పాటు టీవీ సీరియల్స్, వెబ్ సిరీస్ ఇలా అన్నింటినీ రద్దు చేయడంతో.. వేలాదిమంది సినిమా ఇండస్ట్రీకి సంబంధిచిన కార్మికులు రోడ్డున పడ్డారు. ఈ తరుణంలో వారికి సాయం చేసేందుకు ముందుకు వచ్చారు . మూవీ ఆర్టిస్ట్ అసోసియేషన్లో సభ్యులుగా ఉన్న జీవితా, రాజశేఖర్లు కరోనా ప్రభావంతో పనులు లేక ఇబ్బందులు పడుతున్న వారికి సాయం చేసేందుకు ఓ ప్రెస్నోట్ను విడుదల చేశారు. ఈ సందర్భంగా ఓ లేఖను విడుదల చేశారు జీవితా రాజశేఖర్. ఇందులో.. ‘హఠాత్తుగా ప్రపంచ దేశాలను వణికిస్తున్న కరోనా వైరస్తో , కేంద్ర రాష్ట్ర ప్రభుత్వాలు , మన చలన చిత్ర పరిశ్రమ పెద్దలు తీసుకున్న నిర్ణయం మూలంగా షూటింగ్లు రద్దు కావడంతో ఆ రోజు పని చేస్తే తప్ప ఇల్లు గడవని నిరుపేద కళాకారులు కొందరు మన సంఘంలో వున్నారని తెలుసుకొని, అలాంటి కళాకారులకు, పది రోజులకు సరిపడా నిత్యావసర వస్తువులను రాజశేఖర్ చారిటబుల్ ట్రస్ట్ ద్వారా డా. రాజశేఖర్ గారు తన బాధ్యతగా అందించాలని సంకల్పించారు. రెక్కాడితే గాని డొక్కాడని అలాంటి నటీ నటులు.. 9010810140 నంబర్లో నవీన్ వర్మకు తమ పూర్తి వివరాలు అందించి తగు సహాయం పొందగలరు. సదా మీ సేవలో మీ డా. రాజశేఖర్ & జీవితా రాజశేఖర్’ అంటూ లేఖను విడుదల చేశారు. వచ్చే 31 వరకూ షూటింగ్లను బంద్ ప్రకటించిన విషయం తెలిసిందే. అయితే పరిస్థితి అదుపులోకి రాకపోవడంతో మార్చినెలలో కూడా షూటింగ్లు బంద్ అయ్యే అవకాశం కనిపిస్తుంది. జీవితా రాజశేఖర్ మాదిరే ఇండస్ట్రీలో ఉన్న స్టార్ హీరోలు, బడా దర్శక నిర్మాతలు సోషల్ మీడియాలో చేతులు కడుక్కోవడంతోనే సరిపెట్టేయకుండా బంద్ కారణంగా పనుల్లేక ఇబ్బందులు పడుతున్న శ్రామికులకు చేతనైన సాయం చేస్తే బాగుంటుందని కళాకారుల కుటుంబాలు ఆశపడుతున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3ae6STw
No comments:
Post a Comment