సూపర్‌స్టార్ తప్పించుకున్నారు, యువ నటుడు దళపతి విజయ్ ఇరుక్కున్నాడు అంటూ వివాదాస్పద వ్యాఖ్యలు చేసి వార్తల్లో నిలిచారు డీఎంకే నేత దయానిది మారన్. ఇటీవల విజయ్ ఇంటిపై ఐటీ సోదాలు జరిగిన సంగతి తెలిసిందే. తాను నటిస్తున్న ‘మాస్టర్’ సినిమా సెట్స్‌కు వెళ్లి మరీ ఐటీ అధికారులు ఆయన్ను దాదాపు ఐదు గంటల పాటు విచారించారు. అంతేకాదు షూటింగ్ స్పాట్ నుంచి విజయ్‌ను వేరే ప్రదేశానికి తీసుకెళ్లాల్సి వచ్చింది. దాంతో ఆ రోజున షూటింగ్ నిలిపివేయాల్సి వచ్చింది. వరుసగా మూడు రోజుల పాటు విజయ్ ఇంట ఐటీ సోదాలు జరిగాయి. ఆ తర్వాత విజయ్ పన్నులు కడుతున్నారని, ఆయన వద్ద ఎలాంటి డబ్బు దొరకలేదని తేలడంతో క్లీన్ చిట్ ఇచ్చారు. ఈ విషయం అటుంచితే.. 2021లో తమిళనాడులో ఎన్నికలు జరగనున్న నేపథ్యంలో రజినీకాంత్‌కు కోటి రూపాయలు రిలీఫ్ ఫండ్ వచ్చిందట. ఈ విషయాన్ని దయానిధి మారన్ వెల్లడించారు. READ ALSO: ‘‘తమిళనాడులో వచ్చే ఏడాది ఎన్నికలు జరగనున్నాయి. ఈ నేపథ్యంలో రజినీకాంత్‌కు కోటి రూపాయలు రిలీఫ్ ఫండ్ లభించింది. అద్భుతం. మీరు ఇస్తున్న ఆఫర్లు బాగా పనిచేస్తున్నాయి. మరోపక్క బీజేపీ విజయ్‌ను టార్గెట్ చేసింది. అతన్ని షూటింగ్ స్పాట్ నుంచి బలవంతంగా చెన్నై తీసుకెళ్లి మరీ విచారణ జరిపారు. దాంతో ఆ రోజుకి షూటింగ్ క్యాన్సిల్ చేయాల్సి వచ్చింది. దాంతో నిర్మాతకు ఎంతో నష్టం వచ్చింది. మొత్తానికి రజినీకాంత్ తప్పించుకున్నారు, విజయ్ ఇరుక్కున్నారు’’ అని షాకింగ్ వ్యాఖ్యలు చేసారు. 2005లో రజినీకాంత్ ఇంటిపై ఐటీ సోదాలు జరిగాయి. కానీ రికవరీ ఎమౌంట్ కోటి రూపాయల కన్నా తక్కువ ఉండడంతో ఐటీ శాఖ ఆయనపై పెట్టిన కేసును విత్‌డ్రా చేసుకుంది. మరో ఆసక్తికర విషయం ఏంటంటే.. ప్రస్తుతం రజినీకాంత్ శివ దర్శకత్వంలో ఓ సినిమా చేస్తున్నారు. ఈ సినిమాకు సన్ పిక్చర్స్ బ్యానర్‌పై కళానిధి మారన్ నిర్మిస్తున్నారు. రజినీకాంత్‌పై కీలక వ్యాఖ్యలు చేసిన దయానిధి సోదరుడే కళానిధి. ఓ పక్క అన్న రజినీపై కామెంట్స్ చేస్తుంటే.. మరోపక్క తమ్ముడు ఆయనతో సినిమాలు చేస్తున్నారు. READ ALSO:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2vpRkMB
No comments:
Post a Comment