అన్ స్టాపబుల్ అల్లు అర్జున్.. కేరళలో బన్నీ క్రేజ్ పీక్స్

అల్లు అర్జున్... ఈ పేరుకి మనదగ్గర ఉన్న పాపులారిటీ గురించి చెప్పాల్సిన అవసరం అస్సలు లేదు. అలాగే బన్నీకి కేరళలో సైతం భారీ ఫాలోయింగ్ ఉంది అనేది కూడా అందరికి తెలిసిన విషయమే. అయితే ఈ మధ్య కాలంలో కేరళలో బన్నీ క్రేజ్ మరింతగా పెరిగిపోయింది. మల్లు అర్జున్ అనే పేరుతో బన్నీని తమ హీరోగా ఓన్ చేసుకున్న అక్కడి ప్రేక్షకులు ఇక్కడ ఫ్లాప్ అయిన బన్నీ సినిమాలకు కూడా అక్కడ భారీ విజయాలు కట్టబెడుతున్నారు. అయితే సంక్రాంతి కానుకగా రిలీజ్ అయిన అల వైకుంఠపురములో తెలుగులో బ్లాక్ బస్టర్ హిట్‌గా నిలిచి సంక్రాంతి విన్నర్ అనిపించుకుంది. అయితే ఈ సినిమాని మలయాళంలో `అంగు.. వైకుంఠపురత్తు` పేరుతో రిలీజ్ చేసారు. ఈ సినిమాకి అక్కడ కూడా భారీ ఆదరణ దక్కుతుంది. అయితే అక్కడ సంక్రాంతి ఎఫెక్ట్ పెద్దగా లేకపోయినా కూడా బన్నీ సినిమా కలెక్షన్స్‌తో దుమ్మురేపుతోంది. Also Read: అల్లు అర్జున్ సినిమాకి పోటీగా మలయాళ మెగాస్టార్ మమ్ముట్టి నటించిన `బిగ్ బ్రదర్` కూడా రిలీజ్ అయ్యింది. అయినా కూడా ఈ డబ్బ్బింగ్ బొమ్మ కలెక్షన్స్ కాస్త కూడా తగ్గలేదు. చాలా చోట్ల మమ్ముట్టి సినిమాకంటే బన్నీ సినిమాకి ఎక్కువ కలక్షన్స్ రావడం చూసి కేరళ ట్రేడ్ వర్గాలు సైతం ఆశ్చర్యపోతున్నాయి. అంగు వైకుంఠపురత్తు సినిమాకి బెనిఫిట్ షోలు పడినప్పుడే మల్లు అర్జున్ క్రేజ్ అర్ధమయింది. కానీ అది మమ్ముటికంటే ఎక్కువగా ఉంటుంది అని మాత్రం ఎవ్వరూ ఊహించలేదు. పైగా వర్కింగ్ డేస్‌లో కూడా హౌస్ ఫుల్స్ నడుస్తున్నాయి. ఇంకో షాకింగ్ విషయం ఏంటంటే ఇప్పటికీ అక్కడ నాలుగు షోస్ సరిపోకపోవడంతో చాలామంది స్పెషల్ పర్మిషన్స్ తీసుకుని 5 షో లు వేస్తున్నారు. అక్కడి సెకండ్ వీక్ వాల్ పోస్టర్స్ చూస్తే ఈ విషయం అర్ధమవుతుంది. అక్కడ బన్నీ సినిమా డిస్ట్రిబ్యూటర్ ఇప్పటికే లాభాల్లోకి వచ్చేసాడు. ఇక ఇప్పుడు ఈ జోరు చూస్తుంటే బన్నీ ఆల్ టైమ్ మలయాళం టాప్ గ్రాసర్స్‌లో కూడా ఎంటర్ అయిపోయేలా ఉన్నాడు. మొత్తానికి అనుకోకుండా వచ్చిన గ్యాప్ ని కరెక్ట్ గా వాడుకుని అందరికి కనెక్ట్ అయిపోయే హిట్ అందుకున్నాడు అల్లు అర్జున్ అలియాస్ మల్లు అర్జున్. Also Read:

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3779b9l