తెలుగు చిత్ర పరిశ్రమను కాపాడుకోవడానికి అవసరమైన అన్ని చర్యలు తీసుకుంటామని తెలంగాణ ముఖ్యమంత్రి కె చంద్రశేఖర్ రావు స్పష్టం చేశారు. కొవిడ్ కారణంగా షూటింగులు నిలిచిపోయి, థియేటర్లు మూతపడటం వల్ల పరిశ్రమకు, కార్మికులకు నష్టం జరిగిందని తెలిపారు. ఈ నష్టం నుంచి కోలుకోవడానికి ప్రభుత్వ పరంగా రాయితీలు, మినహాయింపులు ఇవ్వనున్నట్లు ప్రకటించారు. చిరంజీవి, నాగార్జున సహా టాలీవుడ్కు చెందిన పలువురు ప్రముఖులు ఆదివారం (నవంబర్ 22) ప్రగతి భవన్లో సీఎం కేసీఆర్తో సమావేశమయ్యారు. ఈ సందర్భంగా సీఎం కేసీఆర్ పలు హామీలు ఇచ్చారు. దేశంలో ముంబై, చెన్నై తర్వాత హైదరాబాద్లోనే పెద్ద సినీ పరిశ్రమ ఉందని కేసీఆర్ పేర్కొన్నారు. ఈ పరిశ్రమ ద్వారా లక్షలాది మంది ఉపాధి పొందుతున్నారని తెలిపారు. రాష్ట్రానికి పరిశ్రమలు తరలి రావడానికి తెలంగాణ ప్రభుత్వం ఎన్నో చర్యలు తీసుకుంటోందని.. అలాంటిది ఉన్న పరిశ్రమను కాపాడుకోకపోతే ఎలా? అని కేసీఆర్ ప్రశ్నించారు. త్వరలో చిరంజీవి ఇంట్లో మరోసారి భేటీ.. కరోనా సంక్షోభం కారణంగా జరిగిన నష్టాన్ని కేసీఆర్కు సినీ ప్రముఖులు వివరించారు. ప్రభుత్వ పరంగా ఆదుకోవాలని కోరారు. దీనికి ముఖ్యమంత్రి కేసీఆర్ సానుకూలంగా స్పందించారు. త్వరలో మెగాస్టార్ చిరంజీవి ఇంట్లో మరోసారి సమావేశమై సినిమా పరిశ్రమ అభివృద్ధిపై మరింత విస్తృతంగా చర్చించాలని నిర్ణయించారు. Must Read: ‘కొవిడ్ కారణంగా సినీ పరిశ్రమకు ఇబ్బంది కలిగింది. ఈ పరిస్థితుల్లో పరిశ్రమను కాపాడుకోవాల్సిన బాధ్యత అందరిపై ఉంది. ఇటు ప్రభుత్వం, అటు సినిమా పరిశ్రమ పెద్దలు కలిసి పరిశ్రమను కాపాడుకోవడానికి సంయుక్త ప్రయత్నాలు చేయాలి. ప్రభుత్వ పరంగా సినీ పరిశ్రమను ఆదుకోవడానికి అన్ని చర్యలు తీసుకుంటాం. జీహెచ్ఎంసీ ఎన్నికల సందర్భంగా టీఆర్ఎస్ పార్టీ విడుదల చేసే మానిఫెస్టోలో సినిమా పరిశ్రమకు సంబంధించిన అంశాలను ప్రస్తావిస్తాం’ అని సీఎం కేసీఆర్ చెప్పారు. ఈ సమావేశంలో సినీ హీరోలు చిరంజీవి, నాగార్జున, ఫిలిం ఛాంబర్ అధ్యక్ష, ప్రధాన కార్యదర్శులు నారాయణ్ దాస్ నారంగ్, కేఎల్ దామోదర్ ప్రసాద్, నిర్మాతల సంఘం అధ్యక్షుడు సి కళ్యాణ్, డిస్ట్రిబ్యూటర్ సుధాకర్ రెడ్డి, నిర్మాత నిరంజన్ రెడ్డి తదితరులు పాల్గొన్నారు. ప్రభుత్వ ప్రధాన కార్యదర్శి సోమేశ్ కుమార్తో పాటు పలువురు ఉన్నతాధికారులు హాజరయ్యారు. Also Read:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/35PqgX4
No comments:
Post a Comment