ఎగ్రెసివ్ స్టార్ , మాస్ డైరెక్టర్ సంపత్ నంది కాంబినేషన్లో రూపొందుతోన్న లేటెస్ట్ మూవీ ‘సీటీమార్’. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి నిర్మిస్తున్నారు. స్పోర్ట్స్ బ్యాక్ డ్రాప్లో మాస్ గేమ్ అయిన కబడ్డీ నేపథ్యంలో తెరకెక్కుతోన్న ఈ చిత్రం షూటింగ్ లాక్డౌన్కి ముందే మూడు షెడ్యూల్స్ పూర్తి చేసుకుంది. లాక్డౌన్ వల్ల వాయిదా పడ్డ షూటింగ్ నవంబర్ 23 నుండి ప్రారంభించి ఒకే షెడ్యూల్లో సినిమాని కంప్లీట్ చేయనున్నట్లు చిత్ర యూనిట్ తెలిపింది. ఈ సందర్భంగా నిర్మాత శ్రీనివాసా చిట్టూరి మాట్లాడుతూ.. ‘‘లాక్డౌన్కి ముందే రాజమండ్రి, హైదరాబాద్ ఆర్ఎఫ్సిలో షూటింగ్ జరిపి మూడు భారీ షెడ్యూల్స్లో 60% సినిమా పూర్తిచేశాం. ఈ నెల 23 నుండి తిరిగి షూటింగ్ ప్రారంభించి ఒకే షెడ్యూల్లో పూర్తిచేయడానికి సన్నాహాలు చేస్తున్నాం. గోపీచంద్ కెరీర్లోనే ఇది హై బడ్జెట్, భారీ కమర్షియల్ ఫిలిం. స్పోర్ట్స్ బ్యాక్ డ్రాప్లో సాగే భావోద్వేగభరిత కథాంశమిది. ప్రతి సన్నివేశం హార్ట్టచింగ్గా ఉంటుంది. సంపత్ నంది హై టెక్నికల్ వేల్యూస్తో ప్రెస్టీజియస్గా ఈ మూవీని రూపొందిస్తున్నారు. మణిశర్మ అద్భుతమైన పాటల్ని కంపోజ్ చేశారు. ఎంతగానో ఎదురు చూస్తున్న గోపీచంద్ అభిమానుల కోసం వీలైనంత త్వరగా షూటింగ్ పూర్తి చేసి ప్రేక్షకుల ముందుకు తీసుకొస్తాం’’ అని అన్నారు. డైరెక్టర్ సంపత్ నంది మాట్లాడుతూ.. ‘‘లాంగ్ వార్మప్, సాలిడ్ స్ట్రెచెస్, పవర్ ప్యాక్డ్ ప్రాక్టీస్ తర్వాత ఫిట్ అండ్ ఫ్యాబ్గా మా టీమ్ అందరం అవసరమైన అన్ని రకాల జాగ్రత్తలతో మాకు ఎంతో ఇష్టం అయిన ‘సీటీమార్’ షూటింగ్ కోసం సిద్ధమయ్యాం. నవంబర్ 23 నుండి కూత మొదలు’’ అని అన్నారు. ఈ సినిమాలో ఆంధ్ర కబడ్డీ టీమ్ కోచ్గా గోపీచంద్, తెలంగాణ కబడ్డీ టీమ్ కోచ్గా మిల్కీ బ్యూటీ తమన్నా నటిస్తున్నారు. గ్రామంలో ఉండి హీరోని ప్రేమించే అమ్మాయిగా ఒక ప్రత్యేక పాత్రలో మరో హీరోయిన్ దిగంగన నటిస్తుండగా ముఖ్యమైన పాత్రల్లో పోసాని కృష్ణమురళి, రావు రమేష్, భూమిక, రెహమాన్, బాలీవుడ్ యాక్టర్ తరుణ్ అరోరా నటిస్తున్నారు. ఈ చిత్రానికి సినిమాటొగ్రఫి ఎస్. సౌందర్ రాజన్, ఎడిటర్ తమ్మిరాజు, ఆర్ట్ డైరెక్టర్ సత్యనారాయణ డి.వై, కథ-మాటలు-స్క్రీన్ప్లే-దర్శకత్వం సంపత్ నంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2IGRwxD
No comments:
Post a Comment