సెలబ్రిటీలు బిగ్ బాస్ హౌస్కి వస్తుంటారు పోతుంటారు.. కాని బిగ్ బాస్ హౌస్కి రావడంతోనే సెలబ్రిటీగా మారితే ఆ కిక్కే వేరు అంటోంది బిగ్ బాస్ హాట్ బ్యూటీ వైద్య. బిగ్ బాస్ సీజన్ 4లో కంటెస్టెంట్గా అడుగుపెట్టిన దివి వైద్య.. తన అంద చందాలతో కుర్రకారుని విపరీతంగా ఆకర్షిస్తోంది. తన ఎంట్రీ సాంగ్లోనే నాభి అందాలతో మైమరపించిన దివి.. హౌస్లో కూడా తన నాజూకు అందాలతో పాటు ముక్కుసూటి మాటలతో ఫ్యాన్ ఫాలోయింగ్ పెంచుకుంటోంది. తొలివారంలో ఒక్క డైలాగ్ కూడా లేకుండా నెట్టుకొచ్చిన దివి.. రెండో వారంలో చెలరేగింది. తాను ఫ్రేమ్లో లేను కాని ఫామ్లోనే ఉన్నానంటూ అసలు ఆట మొదలుపెట్టింది. అసలు దివి ఎవరు? ఏఏ సినిమాల్లో నటించింది.. ఆమె బ్యాగ్రౌండ్ ఏంటి? ఆమె లవ్ ఫెయిల్యూర్కి సంబంధించిన పూర్తి వివరాలు ఈ ఆర్టికల్లో ఉన్నాయి. ఇక మహర్షి సినిమాలో మహేష్ బాబుని ఫ్లర్ట్ చేసే సీన్లో కనిపించిన దివి ఆ సినిమా ఎక్స్ పీరియన్స్ను పంచుకుంటూ మహేష్ బాబుకి సంబంధించిన ఆసక్తికరమైన విషయాలను షేర్ చేసుకుంది. దివి మాట్లాడుతూ.. ‘ అందం గురించి చెప్పాల్సిన పనిలేదు.. ఆయన చాలా అందగాడు... అలా చూస్తూ ఉండిపోవాలనిపించే ఫేస్ ఆయనది. ముట్టుకుంటే మాసిపోతారేమో అనిపిస్తారు. మహేష్ బాబుని చూడకముందు అందరి అమ్మాయిల మాదిరే నేనూ చాలా ఊహించుకున్నా.. నిజంగానే ఆయన్ని చూడగానే థ్రిల్ అయ్యా. కాని ఆయన చాలా నార్మల్గా మాట్లాడేవారు. నేను హీరోయిన్ అవుదాం అని చాలా రోల్స్ వదిలేశా.. కాని మహర్షి చేశాక ఒకే సారి హీరోయిన్ అవ్వడం కంటే ఇలాంటి పాత్రలు చేయాలనిపించింది. మహర్షి సెట్లో అందరికంటే కూడా మహేష్ బాబు చాలా అందంగా కనిపించేవారు. 20 ఏళ్లు కంటే తక్కువ ఉన్నవాళ్లు సెట్లో కనిపించేవారు.. కాని మహేష్ బాబు ముందు వాళ్ల అందం తేలిపోయేది. ఆయన్ని అలా చూస్తూ ఉండిపోయిన సందర్భాలు చాలా ఉన్నాయి. మా ఇద్దరిపై మాంటేజ్ షాట్ తీస్తున్నారు.. ఇద్దర్నీ ఏదొకటి మాట్లాడుకోమన్నారు. మేం మాట్లాడుకుంటుండగా.. గాలి వచ్చి మహేష్ సార్ హెయిర్ ఎగిరింది. అప్పుడు నేను ఆయన నుదురుపై ఉన్న పుట్టుమచ్చను చూశా.. వావ్ సో బ్యూటిఫుల్ సార్ అని మహేష్ సార్కి చెప్పా.. నా కూతురు సితారకు కూడా అదే ప్లేస్లో పుట్టుమచ్చ ఉంటుందని మహేష్ సార్ చెప్పారు. నాకు ట్రావెల్ అంటే చాలా ఇష్టం.. బయట తిరగడం అంటే పిచ్చి.. మహర్షి సినిమా ఒప్పుకోవడానికి ప్రధాన కారణం డెహ్రాడూన్లో 20 రోజు షూటింగ్ అన్నారు. మంచి ఫుడ్ పెట్టి.. ఫైవ్ స్టార్ హోటల్ ఉంచి మంచి రెమ్యునరేషన్ కూడా ఇచ్చారు. మహేష్ బాబు సార్తో వర్క్ చేయడం చాలా హ్యాపీగా అనిపించింది’ అంటూ చెప్పుకొచ్చింది .
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3kM6PDj
No comments:
Post a Comment