అందం అందుకు తగ్గ అభిన‌య సామ‌ర్థ్యం రెండూ కలగలిపి ఉన్న న‌టీమ‌ణుల్లో ముందు వ‌రుస‌లో ఉండే హీరోయిన్ శ‌ర‌ణ్‌. సౌత్ ఇండియన్ తెరపై దాదాపు రెండు ద‌శాబ్దాలుగా ప్రేక్షకుల మనసు దోచుకుంటూ అలరిస్తున్న ఈ ముద్దుగుమ్మ పెళ్లి తర్వాత కెరీర్‌కి కాస్త గ్యాప్ ఇచ్చింది. కొన్ని రోజుల పాటు భర్త ఆండ్రీ కోస్చీవ్‌‌తో షికార్లు కొడుతూ ఫుల్లుగా ఎంజాయ్ చేసిన శ్రియ రీసెంట్‌గా తిరిగి కెమెరా ముందుకొచ్చింది. మ్యారేజ్ విరామం తర్వాత ఆమె చేసిన లేటెస్ట్ మూవీ ''. తాజాగా ఈ మూవీ ఫ‌స్ట్‌లుక్ విడుద‌ల చేసి ఆకట్టుకున్నారు మేకర్స్. సుజ‌నా రావు దర్శకత్వంలో రూపొందుతున్న ఈ 'గమనం' మూవీ రియ‌ల్ లైఫ్ డ్రామాగా ప్రేక్షకుల ముందుకు రాబోతోంది. ఈ చిత్రంలో శ్రియ ప్ర‌ధాన పాత్ర‌లో న‌టిస్తున్నారు. తెలుగు, త‌మిళ, క‌న్న‌డ, మ‌ల‌యాళం, హిందీ భాష‌ల్లో పాన్ ఇండియా ఎంట‌ర్‌టైన‌ర్‌గా ఈ సినిమా రూపొందుతుండటం విశేషం. Also Read: శ్రియ శ‌ర‌ణ్‌ పుట్టిన‌రోజు సంద‌ర్భంగా ఈ రోజు (సెప్టెంబర్ 11) 'గమనం' ఫిల్మ్ ఫ‌స్ట్‌లుక్ పోస్ట‌ర్‌ను క్రియేటివ్ డైరెక్ట‌ర్ క్రిష్ విడుద‌ల చేశారు. ఈ పోస్ట‌ర్‌లో చీర క‌ట్టుకొని, మెడ‌లో మంగ‌ళ‌సూత్రం మాత్ర‌మే ఉన్న ఒక అతి సాధార‌ణ గృహిణిలా శ్రియ కనిపిస్తోంది. ఏ విష‌యం గురించో తీవ్రంగా ఆలోచిస్తున్న‌ట్లు ఆమె ముఖంలోని భావాలు తెలుపుతున్నాయి. ఈ పోస్టర్ చూస్తుంటే ఇదివ‌ర‌కెన్న‌డూ చేయ‌ని పాత్ర‌లో శ్రియ కనిపించనుందని స్పష్టమవుతోంది. మాస్ట్రో ఇళ‌య‌రాజా సంగీతం స‌మ‌కూరుస్తున్న ఈ చిత్రానికి ప్రముఖ ర‌చ‌యిత సాయిమాధ‌వ్ బుర్రా సంభాష‌ణ‌లు రాస్తున్నారు. ర‌మేష్ క‌రుటూరి, వెంకీ పుష‌డ‌పు, జ్ఞాన‌శేఖ‌ర్ వి.ఎస్‌. నిర్మాతలుగా వ్యవహరిస్తున్నారు. షూటింగ్ పూర్తిచేసి ప్ర‌స్తుతం పోస్ట్ ప్రొడ‌క్ష‌న్ పనులతో బిజీగా ఉంది ఈ గమనం యూనిట్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/35rLlXW
No comments:
Post a Comment