సచిన్ని క్రికెట్ గురించి అడిగితే పేజీలు పేజీలు చెప్తారు.. అంతేకాని సినిమాలపై రివ్యూ చెప్పమంటే ఏం చెప్తారు? ఒకవేళ చెప్పినా.. డైరెక్షన్ ఫోర్.. హీరోయిజం సిక్స్.. హీరోయిన్ వైడ్.. అంటూ ఆయనకు నచ్చినట్టే చెప్పారు.. ఆ తరువాత ఏం చెప్పారో అర్థం కాక మనం తలలు పట్టుకోవాలి. ఇది జస్ట్ ఎగ్జాంపుల్ మాత్రమే కాని.. అసలు విషయం ఏంటంటే.. ఏ విషయంపై అవగాహన ఉన్నోడిని ఆ విషయం గురించే అడగాలి. అంతేతప్ప దొరికాడు కదా అని ఏదోటి అడిగితే ఇదిగో పరిస్థితి ఇలాగే ఉంటుంది. అందులోనూ ‘నాక్కొంచెం తిక్క ఉంది.. దానికో లెక్క ఉంది’ లాంటి పవర్ ఫుల్ పంచ్ డైలాగ్లతో సినిమాలు తీసే తిక్క డైరెక్టర్ హరీష్ శంకర్ని పాలిటిక్స్ గురించి అడిగే సమాధానం తిక్కగా ఉండక చక్కగా ఉంటుందా? పవన్ స్టార్ పవన్ కళ్యాణ్తో ‘గబ్బర్ సింగ్’ లాంటి బ్లాక్ బస్టర్ హిట్ చిత్రాన్ని తీసి.. టాలీవుడ్ రికార్డుల్ని తిరగరాసి.. మెగా దర్శకుడు అనిపించుకున్న .. ఇటీవల బర్త్ డే సందర్భంగా అభిమానులతోనూ.. మీడియాతోనూ ముచ్చటించారు. పవన్ బర్త్ డే సందర్భంగా హరీష్-పవన్ కాంబోలో కొత్త చిత్రాన్ని అనౌన్స్ కూడా చేసి.. పోస్టర్ విడుదల చేశారు హరీష్ శంకర్. ఈ సందర్భంగా ఎబీఎన్ ఛానల్తో మాట్లాడిన హరీష్ శంకర్.. తన సినిమా విషయాలను తెలియజేశారు. ఈ సందర్భంలో పవన్ కళ్యాణ్ గత ఎన్నికల్లో రెండు చోట్లా ఓడిపోవడంపై హరీష్కి ప్రశ్న సంధించారు రిపోర్టర్. ‘ప్రజలకు సేవ చేయాలనే తపనతో.. ఉద్దానం తదితర సమస్యలతో పోరాటం చేసిన పవన్ కళ్యాణ్.. రెండు చోట్లా ఓడిపోవడంపై మీ విశ్లేషణ ఏంటి?’ అని హరీష్ని ప్రశ్నించగా.. దిమ్మతిరిగే కౌంటర్ ఇచ్చారు హరీష్ శంకర్. తెలుగులో ‘వృధా ప్రయాస’ అనే పదం ఉంది.. తెలుసా మీకు.. ఇప్పుడు మీరు అది చేస్తున్నారని నా ఫీలింగ్. ఎందుకంటే పాలిటిక్స్ అంటే నాకు అవగాహన లేని విషయం. నన్ను సినిమాల గురించి అడిగితే చెప్తా.. ఎందుకంటే నేను దర్శకుడ్ని. అంతేకాని ఆయన పోటీ చేసిన చోట ఎందుకు ఓడిపోయారో విశ్లేషించమంటే.. నేనేమన్నా మీ ఏబీఎన్ రాధాకృష్ణ అనుకుంటున్నారా? పైగా మీ భాష ఏంటి?? విశ్లేషణా.. నేనేం విశ్లేషణ చేయాలి.. అంత సీన్ నాకు లేదు’ అంటూ గట్టిగానే కౌంటర్ ఇచ్చారు. ఇక అక్కడికీ ఆ రిపోర్టర్ ఆగకుండా.. ‘పవన్ లాంటి వ్యక్తులు రాజకీయాల్లో రాణిస్తారా’? అని మళ్లీ అడగడంతో.. ‘సార్.. మీరు మళ్లీ ‘వృధా ప్రయాస’ చేస్తున్నారు అంటూ దిమ్మదిరిగే పంచ్ ఇచ్చి తన సినిమా ముచ్చట్లకు వెళ్లారు దర్శకుడు హరీష్ శంకర్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3i6Henu
No comments:
Post a Comment