స్త్రీ లేనిదే ఈ సృష్టి లేదు. ఆడదే ఈ జగతికి ఆధారం. కానీ, సృష్టికి మూలమైన మహిళకు నేటికి సమాజంలో సరైన భద్రత లేదు. మహిళలు అన్ని రంగాల్లో రాణిస్తున్నా కొందరు మగవారికి వారంటే ఇంకా చులకనే. అలాంటి భావనను పక్కనబెట్టి.. స్త్రీ ప్రాముఖ్యతను అర్థం చేసుకుని, ఆమెను గౌరవించి భద్రత కల్పిస్తే ప్రతిరోజూ మహిళా దినోత్సవమే అని టాలీవుడ్ హీరో మంచు మనోజ్ అంటున్నారు. నేడు అంతర్జాతీయ మహిళా దినోత్సవాన్ని పురష్కరించుకుని మనోజ్ ట్వీట్ చేశారు. ‘‘మహిళల ప్రాముఖ్యతను మనం అర్థంచేకోడం, వారిని గౌరవించడం, భద్రత కల్పించడం మన బాధ్యతలుగా భావించినప్పుడు ప్రతిరోజూ మహిళా దినోత్సవమే. అద్భుతమైన మహిళలందరికీ మహిళా దినోత్సవ శుభాకాంక్షలు’’ అని ట్వీట్లో మనోజ్ పేర్కొన్నారు. మహిళ భద్రత విషయంలో మనోజ్ ఎప్పుడూ గొంతెత్తుతూనే ఉంటారు. దిశ సంఘటన జరిగినప్పుడు ఆయన స్పందించిన తీరు అందరికీ తెలిసిందే. నేడు మహిళా దినోత్సవాన్ని పురష్కరించుకుని ఆయన మళ్లీ భద్రత విషయాన్నే ప్రస్తావించారు. కాగా, మహిళా దినోత్సవం సందర్భంగా పలువురు సినీ తారలు శుభాకాంక్షలు చెబుతూ ట్వీట్లు చేశారు. వీరిలో కాజల్ అగర్వాల్, మంచు లక్ష్మి, నయనతార, ప్రణీత, బాలీవుడ్ హీరోయిన్ అనుష్క శర్మ ట్వీట్లు చేసినవారిలో ఉన్నారు. ‘‘నేను విఫలమైన ప్రతిసారి నాకు పాఠాలు చెప్పిన ఒక అద్భుతమైన పర్యవేక్షణలో పెరిగాను. అద్భుతమైన మహిళలందరికీ మహిళా దినోత్సవ శుభాకాంక్షలు’’ అని కాజల్ ట్వీట్ చేశారు. ఇక మంచు లక్ష్మి స్పందిస్తూ మనం ఏడాదిలో ఒక్కసారే ఉమెన్స్ డేను ఎందుకు సెలబ్రేట్ చేసుకోవాలని ప్రశ్నించారు. ‘‘మహిళా సంవత్సర శుభాకాంక్షలు. దీన్ని ఏడాదికి ఒక్కసారి మాత్రమే ఎందుకు జరుపుకోవాలి? మిమ్మల్ని మీరు ప్రేమగా చూసుకున్నప్పుడు నిజమైన సాధికారత సాధించినట్టు. ఈ మహిళా దినోత్సవం నాడు, మీలోని కూతురు, సోదరి, భార్య, తల్లిని ప్రోత్సహిస్తానని ఒక ప్రతిజ్ఞ చేయండి. ఎందుకంటే మీ పుట్టుకే ఒక దృఢ సంకల్పం. అందరూ తమ ముఖాలకు ఉన్న మాస్క్లు తీయాలి’’ అని మంచు లక్ష్మి పేర్కొన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Iw0ieQ
No comments:
Post a Comment