ఒకవైపు కరోనా వైరస్ విజృంభనతో ప్రజలు గజగజవణుకుతుంటే.. ఈ వైరస్పై రకరకాల పుకార్లను పుట్టిస్తూ మరింత బెంబేలెత్తిస్తున్నారు కొంతమంది. సోషల్ మీడియాలో ఈవైరస్ గురించి తప్పుడు వార్తలు ప్రసారం చేసి.. ప్రజల్ని భయపెడితే కఠిన చర్యలు ఉంటాయని ప్రభుత్వాలు హెచ్చరిస్తూనే ఉన్నాయి. అయితే యూట్యూబ్లో వ్యూస్ కక్కుర్తి కోసం ఓ ఛానల్ ఏకంగా సింగర్ సునీతకే కరోనా అంటూ పోస్ట్ పెట్టింది. ఈ పోస్ట్ బాగా వైరల్ కావడంతో దీనిపై స్పందిస్తూ.. దీనిపై చర్యలు తీసుకోవాల్సిందిగా మంత్రి కేటీఆర్తోపాటు తెలంగాణ డీజీపీ మహేందర్రెడ్డికి విజ్ఞప్తి చేశారు. ‘ప్రముఖ సింగర్కు కరోనా పాజిటివ్ హాస్పటల్కి తరలింపు’ అనే థంబ్ నెయిల్తో చందమామ కథలు అనే ఫేస్ బుక్ పేజ్లో పోస్ట్ పెట్టారు. అయితే సింగర్ సునీత ఫొటోని కొంచె బ్లర్ చేసి.. హాస్పటల్ బెడ్పై ఉన్న ఓ మహిళ ఫొటోని సైతం బ్లర్ చేసి.. కరోనా వచ్చింది సింగర్ సునీతకు అన్నట్టుగా థంబ్ నెయిల్ క్రియేట్ చేశారు. నిజానికి కనికా కపూర్ అనే బాలీవుడ్ సింగర్ వైరస్ బారిన పడింది. దేశంలో కరోనా పాజిటివ్గా నిర్ధారణ అయిన తొలి బాలీవుడ్ సెలెబ్రిటి కనికా కపూర్ కావడంతో ఈ వార్త వైరల్ అయ్యింది. అయితే కనికా కపూర్ తెలుగులో ఎవరు చూస్తారులే అనుకున్నారో ఏమో కాని.. కనికా కపూర్ ప్లేస్లో సింగర్ సునీత ఫొటోని వాడేసి వ్యూస్ కోసం కక్కుర్తిపడ్డారు. అయితే తనకు కరోనా అంటూ తప్పుడు వార్తలు ప్రసారం చేస్తున్న సదరు యూట్యూబ్ ఛానల్, ఫేస్ బుక్ పేజ్పై చర్యలు తీసుకోవాలని మంత్రి కేటీఆర్కు ఫిర్యాదు చేస్తూ స్కీన్స్ షాట్స్ని సోషల్ మీడియాలో షేర్ చేసింది సింగర్ సునీత. ఈ సందర్భంగా.. తాను బాగానే ఉన్నానని తెలిపారు సునీత.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2UcEdsq
No comments:
Post a Comment