క్వారంటైన్ టైమ్: భార్యకు మోహన్‌బాబు సపర్యలు.. భర్తలకు పిలుపు

ప్రపంచం కరోనా వైరస్ భయంతో వణికిపోతోంది. చైనాలో మొదలైన ఆ మహమ్మారి ప్రస్తుతం ఇటలీలో తీవ్ర రూపం దాల్చింది. దీనికి కారణం అశ్రద్ధ. ఆ దేశ ప్రజలు కాస్త అశ్రద్ధగా వ్యవహరించడంతోనే తీవ్ర అనార్థానికి దారి తీసింది. అలాంటి పరిస్థితి రాకూడదనే భారత ప్రభుత్వం చర్యలు ముమ్మరం చేసింది. ప్రజలను అప్రమత్తం చేసింది. ఇళ్లకే పరిమితమవ్వాలని సూచిస్తోంది. ప్రధాన మంత్రి నరేంద్ర మోదీ పిలుపు మేరకు దేశ ప్రజలు ఆదివారం జనతా కర్ఫ్యూను పాటించారు. ఇది విజయవంతమవడంతో దేశంలోని చాలా రాష్ట్రాలు మార్చి 31 వరకు లాక్‌డౌన్ ప్రకటించాయి. వీటిలో తెలంగాణ, ఆంధ్రప్రదేశ్ రాష్ట్రాలు కూడా ఉన్నాయి. అయితే, ఆదివారం జనతా కర్ఫ్యూకు మద్దతుగా తెలుగు రాష్ట్రాల్లో ప్రజలంతా ఇళ్లకే పరిమితమైపోయారు. సెలబ్రిటీలు సైతం తమ కుటుంబ సభ్యులతో సమయాన్ని గడిపారు. ఇక మీదట కూడా ఇలానే గడపాల్సి ఉంటుంది. తెలంగాణ, ఏపీ రాష్ట్రాల్లో మార్చి 31 వరకు లాక్ డౌన్‌ను ప్రకటించడంతో ప్రజలు ఇళ్లకే పరిమితం కావాలి. ఈ సమయాన్ని కుటుంబ సభ్యులతో ఆనందంగా గడపమంటున్నారు మంచువారబ్బాయి మనోజ్. అయితే, ఆయన ఒక ఆసక్తికర వీడియోను ఆదివారం ట్వీట్ చేశారు. ఈ వీడియోలో మోహన్‌బాబు తన భార్య నిర్మలా దేవికి సపర్యలు చేస్తున్నారు. Also Read: సోఫాలో పడుకున్న నిర్మలా దేవికి మోహన్ బాబు చాలా సీరియస్‌గా నాప్‌కీన్‌తో గాలి విసురుతున్నారు. దీన్ని వీడియో తీసి మంచు మనోజ్ ట్విట్టర్‌లో పెట్టారు. తన తండ్రి మాదిరిగానే ప్రతి పురుషుడు తన ఇంట్లో ఇలాంటి క్వారంటైన్ మూమెంట్‌ను వీడియో తీసి ట్వీట్ చేయాలని మనోజ్ పిలుపునిచ్చారు. #MyQuarantineTime హ్యాష్ ట్యాగ్‌తో ఈ వీడియోను ట్వీట్ చేయాలని సూచించారు. ఇంట్లో ఉండే సమయాన్ని ఈ విధంగా ఎంజాయ్ చేయాలన్నారు. ఇంకెందుకు ఆలస్యం మీ భార్యలకు సపర్యలు చేసే వీడియోను తీసి ట్వీట్ చేసేయండి.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3bf2raY