అంతా బాగా జరిగితే ‘డిస్కోరాజా’ సినిమాకు ప్రీక్వెల్ గానీ, సీక్వెల్ గానీ ఉంటుందని మాస్ మహారాజా రవితేజ అన్నారు. ఆయన హీరోగా నటించిన తాజా చిత్రం ‘డిస్కోరాజా’. వీఐ ఆనంద్ దర్శకత్వం వహించారు. నభా నటేష్, పాయల్ రాజ్పుత్, తాన్య హోప్ హీరోయిన్లుగా నటించారు. తమన్ సంగీతం సమకూర్చారు. ఎస్ఆర్టీ ఎంటర్టైన్మెంట్స్ బ్యానర్పై రామ్ తాళ్లూరి ఈ చిత్రాన్ని నిర్మించారు. ఈనెల 24న ఈ చిత్రం ప్రేక్షకుల ముందుకు వస్తోంది. ఈ చిత్ర ప్రచారంలో భాగంగా ఆదివారం హైదరాబాద్లో ప్రీ రిలీజ్ వేడుక నిర్వహించారు. ఈ ప్రీ రిలీజ్ వేడుకలో రవితేజ మాట్లాడుతూ.. ‘‘ఈ సినిమాను నేను ఎంత ఎంజాయ్ చేస్తూ చేశానో.. రేపు మీరు కూడా థియేటర్లో అంతే ఎంజాయ్ చేస్తారని నా స్ట్రాంగ్ ఫీలింగ్, నమ్మకం. ఈ సినిమాను బాగా ఎంజాయ్ చేయడానికి ముఖ్య కారకుడు వీఐ ఆనంద్. ఈ సినిమా ద్వారా బాబీ సింహా, రాంకీలతో తొలిసారి కలిసి పనిచేశాను. ఆ వర్కింగ్ ఎక్స్పీరియన్స్ చాలా బాగుంది. సునీల్తో చాలా గ్యాప్ తరవాత కలిసి పనిచేశాను. ఈ సినిమాలో నటించిన అందరితో మామూలుగా ఎంజాయ్ చేయలేదు’’ అని చెప్పారు. సాధారణంగా తాను ఒకరు లేదా ఇద్దరు హీరోయిన్లతో నటించానని.. తొలిసారి ఈ సినిమాలో ముగ్గురు హీరోయిన్లతో నటించానని రవితేజ అన్నారు. పాయల్ రాజ్పుత్ది ప్రత్యేక పాత్ర అని.. నభా నటేష్ చెప్పాల్సిన అవసరంలేదని, ఇరగదీసిందని చెప్పారు. సినిమాటోగ్రాఫర్ కార్తీక్ ఘట్టమనేని ఈ సినిమాకి మేజర్ అసెట్ అని అన్నారు. చాలా బాగా చేశారన్నారు. ఇక ఆర్ట్ డైరెక్టర్ నాగేంద్ర వర్క్ చాలా బాగుందని చెప్పారు. రెట్రో, సైఫై సెట్లు ప్రేక్షకుల్ని కట్టిపడేస్తాయన్నారు. Also Read: ‘‘చిన్నప్పటి నుంచి నేను చూస్తూ పెరిగిన పాత్రలను పోలిన ఒక క్యారెక్టర్ను ఆనంద్ నా ముందు తీసుకొచ్చి పెట్టాడు. అందుకే ఈ క్యారెక్టర్ను ఎక్కువ ఎంజాయ్ చేశాను, ఎక్కువ ఇన్వాల్వ్ అయ్యాను. అన్నీ అనుకున్నట్లు జరిగితే దీనికి సీక్వెలో, ప్రీక్వెలో ఉంటుంది’’ అని రవితేజ స్పష్టం చేశారు. మ్యూజిక్ డైరెక్టర్ తమన్తో తనకు ఇది పదకొండో సినిమా అని.. ‘క్రాక్’ పన్నెండో సినిమా అవుతుందని చెప్పారు రవితేజ. ‘‘తమన్ బ్రహ్మాండమైన మ్యూజిక్ ఇచ్చాడు. ఆ సాంగ్స్ ఎంత పెద్ద హిట్ అయ్యాయో మీకు తెలుసు. నిర్మాత రామ్ తాళ్లూరితో నాకు ఇది రెండో సినిమా. ఇంతకు ముందు సినిమా నిరాశపరిచింది. ఈ సినిమా మాత్రం అలా చేయదు. నాకు నమ్మకం ఉంది. రచయిత అబ్బూరి రవి నన్ను దృష్టిలో పెట్టుకుని మాటలు రాశానని చెప్పారు. చాలా బాగా రాశారు. ఇక పాటల విషయంలో శాస్త్రి గారి గురించి ప్రత్యేకంగా చెప్పాల్సిన అవసరం లేదు’’ అని రవిజేత వెల్లడించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2uec9tY
No comments:
Post a Comment