నిర్మాతలు ఇచ్చిన చెక్కులు చించేశా: రవితేజ

‘అమర్ అక్బర్ ఆంటోనీ’తో ఫ్యాన్స్‌ను నిరాశకు గురిచేసిన మాస్ మహారాజా ఇప్పుడు ‘డిస్కో రాజా’ సినిమాతో ప్రేక్షకుల ముందుకు రాబోతున్నారు. వీఐ ఆనంద్ దర్శకత్వం వహించిన ఈ సినిమాలో నభా నటేష్, పాయల్ రాజ్‌పుత్ హీరోయిన్లుగా నటించారు. ఆదివారం ప్రీ రిలీజ్ ఈవెంట్ ఘనంగా జరిగింది. సినిమాపై ప్రేక్షకుల్లో భారీ అంచనాలు ఉన్నాయి. అయితే రవితేజ గురించి కొంతకాలంగా ఓ వార్త సోషల్ మీడియాలో తెగ చక్కర్లు కొడుతోంది. రెమ్యునరేషన్ విషయంలో రవితేజ ఎక్కడా రాజీ పడడని, చాలా మొండిగా ప్రవర్తిస్తాడని వార్తలు వస్తున్నాయి. దీనిపై తాజాగా రవితేజ ఓ సందర్భంలో స్పందిస్తూ క్లారిటీ ఇచ్చారు. తాను ఎంత పారితోషికానికి అర్హుడో అంతే రెమ్యునరేషన్ తీసుకుంటానని తెలిపారు. ‘‘నేను చేసే సినిమాకు నాకు దక్కాల్సినంత పారితోషికమే తీసుకుంటాను. మీకు వచ్చే జీతం 1000 రూపాయలు అయినప్పుడు 800 మాత్రమే ఇస్తే మీరు ఊరుకుంటారా? ఒకవేళ నేను అంత మొండివాడినే అయితే నా కెరీర్‌ ఇంతదాకా వచ్చుండేది కాదు కదా. నేను ఇన్ని సినిమాల్లో నటించి ఉండేవాడిని కాదు కదా. కేవలం మూడు సందర్భాల్లో మాత్రం నేను పారితోషికం తీసుకోలేదు. నేను నటించిన మూడు సినిమాలు బాక్సాఫీస్ వద్ద ఫెయిల్ అవడంతో ఫైనల్ పేమెంట్ తీసుకోవడానికి ఇష్టపడలేదు. నిర్మాతలు చెక్కులు ఇచ్చినా కూడా వాటిని చించేశాను’’ అని తెలిపారు. ‘డిస్కో రాజా’ సినిమాలో బాబీ సింహా ప్రతినాయకుడి పాత్రలో నటించారు. READ ALSO: ఎస్‌ఆర్టీ ఎంటర్‌టైన్మెంట్స్ బ్యానర్‌పై రామ్ తాళ్లూరి ఈ చిత్రాన్ని నిర్మించారు. ఈనెల 24న ఈ చిత్రం ప్రేక్షకుల ముందుకు వస్తోంది. ఈ ప్రీ రిలీజ్ వేడుకలో రవితేజ మాట్లాడుతూ.. ‘‘ఈ సినిమాను నేను ఎంత ఎంజాయ్ చేస్తూ చేశానో.. రేపు మీరు కూడా థియేటర్‌లో అంతే ఎంజాయ్ చేస్తారని నా స్ట్రాంగ్ ఫీలింగ్, నమ్మకం. ఈ సినిమాను బాగా ఎంజాయ్ చేయడానికి ముఖ్య కారకుడు వీఐ ఆనంద్. ఈ సినిమా ద్వారా బాబీ సింహా, రాంకీలతో తొలిసారి కలిసి పనిచేశాను. ఆ వర్కింగ్ ఎక్స్‌పీరియన్స్ చాలా బాగుంది. సునీల్‌తో చాలా గ్యాప్ తరవాత కలిసి పనిచేశాను. ఈ సినిమాలో నటించిన అందరితో మామూలుగా ఎంజాయ్ చేయలేదు’’ అని చెప్పారు. READ ALSO:

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/37eHGdW