సాహో సినిమాతో నిరాశపరిచిన యంగ్ రెబల్ స్టార్ ప్రభాస్ కొద్ది రోజులుగా హాలీడేస్ను ఎంజాయ్ చేస్తున్నాడు. బాహుబలి లాంటి బిగ్ హిట్ తరువాత సాహోతో ప్రేక్షకుల ముందుకు వచ్చిన ప్రభాస్, ఆ సినిమాతో ఆశించిన స్థాయిలో మెప్పించలేకపోయాడు. అయితే భారీ స్థాయిలో రిలీజ్ కావటంతో ఉత్తరాదిలో మంచి వసూళ్లు సాధించటంతో కమర్షియల్గా మాత్రం సాహో సక్సెస్ అయ్యింది. సాహో తరువాత జిల్ ఫేం రాధకృష్ణ దర్శకత్వంలో ఓ సినిమా చేస్తున్నాడు ప్రభాస్. పీరియాడిక్ రొమాంటిక్ ఎంటర్టైనర్గా తెరకెక్కుతున్న ఈ సినిమా షూటింగ్, సాహో సెట్స్ మీద ఉండగానే ప్రారంభమైంది. అయితే సాహో రిలీజ్ తరువాత షూటింగ్ను తిరిగి ప్రారంభించేందుకు చాలా సమయం తీసుకున్నాడు ప్రభాస్. ఇటీవలే ఈ సినిమా రెగ్యులర్ షూటింగ్ తిరిగి ప్రారంభమైంది. Also Read: తాజాగా ఈ సినిమాకు సంబంధించిన అప్డేట్ ఇచ్చేందుకు చిత్రయూనిట్ రెడీ అయ్యారు. సంక్రాంతి సంబరాలు మరింత కొనసాగిస్తూ శుక్రవారం (17-01-2020) ఈ ప్రభాస్ కొత్త సినిమాకు సంబంధించిన ఓ అప్డేట్ ఇవ్వనున్నారు. ఈ మేరకు చిత్రయూనిట్ అధికారిక ప్రకటన విడుదల చేశారు. అయితే అప్డేట్ ఏంటన్న చర్చ మొదలైంది. కేవలం టైటిల్ లోగోను రిలీజ్ చేస్తారా..? లేక ప్రభాస్ ఫస్ట్ లుక్ కూడా రిలీజ్ అవుతుందా అని ఆసక్తిగా ఎదురుచూస్తున్నారు. Also Read: ప్రభాస్ సరసన పూజా హెగ్డే హీరోయిన్గా నటిస్తున్న ఈ సినిమాను యూవీ క్రియేషన్స్ సంస్థతో కలిసి ప్రభాస్ పెదనాన కృష్ణంరాజు గోపీకృష్ణ మూవీస్ బ్యానర్పై నిర్మిస్తున్నారు. ఈ సినిమాకు జాన్ అనే టైటిల్ను పరిశీలిస్తున్నారన్న టాక్ వినిపిస్తోంది. ఇటలీ బ్యాక్ డ్రాప్లో తెరకెక్కుతున్న ఈ సినిమాలో ప్రభాస్ జ్యోతీష్కుడిగా కనిపించనున్నాడట. ఈ సినిమా కోసం హైదరాబాద్లో ఇటలీని తలపించేలా మూడు, నాలుగు సెట్లకు కూడా వేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2NrVaLu
No comments:
Post a Comment