నటసింహా నందమూరి బాలకృష్ణతో హ్యాట్రిక్ కొట్టాలని చూస్తున్నారు మాస్ డైరెక్టర్ బోయపాటి శ్రీను. ‘సింహా’, ‘లెజెండ్’ మాదిరిగానే ఈ సినిమాను కూడా బ్లాక్ బస్టర్ చేయాలని దృఢ నిశ్చయంతో ఉన్నారు. ఈ సినిమాను హిట్ చేయడానికి ఉన్న అన్ని అవకాశాలను ఆయన వినియోగించుకునే పనిలో ఉన్నారు. త్వరలోనే రెగ్యులర్ షూటింగ్ ప్రారంభంకానున్న ఈ చిత్రం కోసం బోయపాటి ఇప్పటికే వారణాసిలో లొకేషన్లను ఫైనల్ చేశారు. అయితే, ఈ సినిమాకు సంబంధించి తాజాగా ఒక ఆసక్తికర విషయం బయటికి వచ్చింది. ఇప్పటి వరకు బాలయ్య, బోయపాటి కాంబినేషన్‌లో వచ్చిన సినిమాల్లో ఈ నందమూరి హీరో రెండు మూడు పాత్రల్లో కనిపించారు. ఈ సినిమాలోనూ బాలకృష్ణ విభిన్న అవతారాల్లో కనిపించనున్నారని సమాచారం. ఈ సినిమాలో డ్యుయల్ రోల్ చేస్తోన్న బాలయ్య మూడు డిఫరెంట్ షేడ్స్‌లో కనిపిస్తారట. వీటిల్లో ఒక రోల్ 15 నిమిషాల పాటు ప్రేక్షకుల్ని మంత్ర ముగ్ధుల్ని చేస్తుందని తెలిసింది. ఇంతకీ ఆ పాత్ర ఏంటంటే.. అఘోర బాబా. వారణాసి సమీపంలోని అడవుల్లో ఉండే అఘోర పాత్రలో బాలకృష్ణ కనిపించనున్నారట. Also Read: ‘‘ఈ అఘోర పాత్రకు ఒక ఫ్లాష్ బ్యాక్ ఉంటుంది. ఫ్లాష్ బ్యాక్‌లో బాలకృష్ణ యంగ్‌గా కనిపిస్తారు. ఒక సామాజిక సమస్య గురించి పోరాడతారు’’ అని ఇండస్ట్రీకి చెందిన ఒక వ్యక్తి ద్వారా తెలిసింది. ఎమోషనల్, యాక్షన్ డ్రామాలను తెరకెక్కించడంలో బోయపాటి దిట్ట. కాస్త ఫాంటసీని కూడా జోడిస్తారు. అయితే, ఇవి కాస్త ఎక్కువైతే ‘వినయ విధేయ రామ’లా అయిపోతుంది. ఈ సినిమా తెచ్చిపెట్టిన విమర్శలతో బాలయ్య చిత్రం విషయంలో బోయపాటి జాగ్రత్తలు ఎక్కువగానే తీసుకుంటున్నారని సమాచారం. ఈ సినిమాతో హిట్టుకొట్టి తానేంటో మరోసారి నిరూపించాలని చూస్తున్నారట బోయపాటి. చూద్దాం ఈ అఘోరతో బోయపాటి ఏం మ్యాజిక్ చేస్తారో.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2twfgh7
No comments:
Post a Comment