‘ఆర్ ఆర్ ఆర్’ కొత్త అప్డేట్: సూపర్‌స్టార్ అడుగుపెట్టేశారు

దర్శకధీరుడు ఎస్.ఎస్ రాజమౌళి ప్రతిష్ఠాత్మకంగా తెరకెక్కిస్తున్న సినిమా ‘’. యంగ్ టైగర్ ఎన్టీఆర్, మెగా పవర్‌స్టార్ రామ్ చరణ్ ప్రధాన పాత్రల్లో నటిస్తు్న్నారు. షూటింగ్ శరవేగంగా జరుగుతోంది. ఇందులో బాలీవుడ్ సూపర్‌స్టార్ అజయ్ దేవగణ్ కీలక పాత్రలో నటించనున్న సంగతి తెలిసిందే. ఆయనకు సంబంధించిన షెడ్యూల్ ఈరోజు నుంచే ప్రారంభం అయింది. సినిమా కోసం అజయ్ నిన్ననే హైదరాబాద్‌ వచ్చారు. ఈరోజు సెట్‌లో అడుగుపెట్టారు. ఈ సందర్భంగా జక్కన్న అజయ్ దేవగణ్‌కు షేక్ హ్యాండ్ ఇస్తున్న ఫొటోను ‘ఆర్ ఆర్ ఆర్’ టీం సోషల్ మీడియాలో షేర్ చేసింది. ఇందులో అజయ్ పాత్ర ఏంటనేది ఇంకా తెలియాల్సి ఉంది. ఎన్టీఆర్ కొమరం భీమ్ పాత్రలో రామ్ చరణ్ అల్లూరి సీతారామరాజు పాత్రల్లో నటిస్తున్న సంగతి తెలిసిందే. చరణ్‌కు జోడీగా బాలీవుడ్ భామ ఆలియా భట్ నటించనున్నారు. తారక్‌కు జోడీగా ఒలీవియా మోరిస్ నటించనున్నారు. అయితే ఈ సినిమా విడుదల తేదీపై సందేహాలు వ్యక్తం అవుతున్నాయి. సినిమాను జులై 30న రిలీజ్ చేస్తామని 2019లో రాజమౌళి ప్రకటించారు. అయితే ‘ఆర్ ఆర్ ఆర్’ మొత్తం 10 భాషల్లో విడుదలవుతోంది. అందులోనూ పోస్ట్ ప్రొడక్షన్ వర్క్స్ కు చాలానే సమయం పడుతుంది. దాంతో చెప్పిన సమయానికి రిలీజ్ చేయడంపై నీలినీడలు కమ్ముకున్నాయి. READ ALSO: దీనికి తోడు కొన్ని వారాల ముందు విడుదల చేసిన ప్రెస్ నోట్‌లో జులై 30న రిలీజ్ అని వేయకపోవడం పలు అనుమానాలకు తావిచ్చింది. సినిమాను జులైలో కాకుండా అక్టోబర్‌లో రిలీజ్ చేసే ఆలోచనల్లో టీం ఉన్నట్లు తెలుస్తోంది. పీరియాడిక్‌ సినిమా కావటంతో షూటింగ్ పూర్తయినా విజువల్ ఎఫెక్ట్స్‌కు చాలా సమయం పడుతుంది. ముందే డేట్‌ ఇచ్చేసి హడావిడి పడే కన్నా కాస్త నెమ్మదిగా అయిన పూర్తి క్వాలిటీతో ప్రేక్షకుల ముందుకు వస్తే బెటర్‌ అని భావిస్తున్నారట చిత్రయూనిట్. డీవీవీ దానయ్య దాదాపు 400 కోట్ల బడ్జెట్‌తో రూపొందిస్తున్నారు. READ ALSO:

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2TI3cny