సూపర్ స్టార్ మహేష్ బాబు ‘సరిలేరు నీకెవ్వరు’ చిత్ర బృందంతో కలిసి తిరుమల శ్రీవేంకటేశ్వరస్వామి వారిని దర్శించుకున్న విషయం తెలిసిందే. స్వామివారి దర్శనం అనంతరం టీటీడీ చైర్మన్ వైవీ సుబ్బారెడ్డితో మహేష్ బాబు భేటీ అయ్యారు. కాసేపు ముచ్చటించారు. ఈ ఆత్మీయ సమావేశంలో మహేష్ బాబుతో పాటు ఆయన చిన్నాన్న ఆదిశేషగిరిరావు, మెహర్ రమేష్, వంశీ పైడిపల్లి, ‘సరిలేరు నీకెవ్వరు’ బృందం అనిల్ సుంకర, దిల్ రాజు, విజయశాంతి, అనిల్ రావిపూడి పాల్గొన్నారు. ఇదిలా ఉంటే, తిరుమల దర్శనానికి వెళ్లిన మహేష్ బాబును వైవీ సుబ్బారెడ్డి కలవడం.. ఈ భేటీలో మహేష్ చిన్నాన్న ఆదిశేషగిరిరావు పాల్గొనడం ఆసక్తిని పెంచుతోంది. ఏపీ అసెంబ్లీ ఎన్నికల ముందు వరకు వైఎస్సార్ కాంగ్రెస్ పార్టీలో కొనసాగిన ఆదిశేషగిరిరావు.. ఎన్నికల సమయంలో టీడీపీలో చేరారు. ఆయనతోపాటు 13 జిల్లాల నుంచి వచ్చిన కృష్ణ, మహేష్ బాబు అభిమాన సంఘాల జిల్లాల అధ్యక్షులు కూడా టీడీపీలోకి తీసుకెళ్లారు. తన సోదరుడు కృష్ణ అనుమతి, ఆశీర్వాదంతోనే తెలుగుదేశంలో చేరుతున్నట్టు అప్పుడు వెల్లడించారు. అయితే, శుక్రవారం వైవీ సుబ్బారెడ్డితో జరిగిన భేటీలో రాజకీయ కోణం ఏమైనా ఉందా అనే అనుమానాలను కొంత మంది వ్యక్తపరుస్తున్నారు. ఆదిశేషగిరిరావు మళ్లీ వైసీపీలో చేరే ఆలోచనలో ఉన్నారేమో అని అంటున్నారు. ఈ విషయంలోనే మహేష్, సుబ్బారెడ్డి మధ్య చర్చ జరిగి ఉంటుందని ఊహాగానాలు వస్తున్నాయి. ఈ ఊహాగానాలు అటుంచితే.. ఇది కేవలం ఆత్మీయ సమావేశమని తెలిసింది. ‘సరిలేరు నీకెవ్వరు’ బృందం ఉన్న రిసార్ట్స్కే వైవీ సుబ్బారెడ్డి వెళ్లారని అంటున్నారు. సూపర్ స్టార్ తిరుమల వచ్చారు కాబట్టి మర్యాదపూర్వకంగా సుబ్బారెడ్డి కలిశారట. కాగా, ‘సరిలేరు నీకెవ్వరు’ సినిమా సూపర్ హిట్ కావడంతో మొక్కులు తీర్చుకునేందుకు ఆ చిత్ర బృందం గురువారం తిరుమల వెళ్లింది. చిత్ర బృందంతో పాటు మహేష్ బాబు సతీమణి నమ్రత, పిల్లలు గౌతమ్, సితార కూడా తిరుమల వెళ్లారు. శుక్రవారం ఉదయం వీఐపీ బ్రేక్ దర్శన సమయంలో వీళ్లంతా స్వామివారిని దర్శించుకున్నారు. వేదపండితుల ఆశీర్వాదం అనంతరం టీటీడీ అధికారులు వీరికి తీర్థప్రసాదాలు అందించారు. ఈరోజు తిరుమల నుంచి వారంతా హైదరాబాద్కు బయలుదేరుతారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2RsFRmO
No comments:
Post a Comment