మరికొన్ని గంటల్లో వరల్డ్ బిగ్గెస్ట్ రియాలిటీ షో సీజన్ 3 బుల్లి తెరపై సందడి చేయనుంది. కింగ్ హోస్ట్ చేస్తున్న బిగ్ బాస్.. నేటి (జూలై) రాత్రి 9 గంటలకు స్టార్ మాలో ప్రసారం కానుంది. ఇక ఈ షో ప్రసారానికి ముందే వివాదాలు చుట్టేయడంతో హాట్ టాపిక్‌గా మారింది. బిగ్ బాస్ షో అంటే వివాదం.. వివాదమే ఈ షోకి పెట్టుబడి అన్నట్టుగా ప్రసారానికి ముందే బిగ్ బాస్‌ను వరుస వివాదాలు ఉక్కిరిబిక్కిరి చేస్తున్నాయి. ఒక వైపు బిగ్ బాస్ ఆడిషన్స్ కంప్లీట్ చేసి చివరి క్షణంలో దగాపడ్డ కంటెస్టెంట్స్ యాంకర్ శ్వేతారెడ్డి, నటి గాయత్రి గుప్తాలు ఢిల్లీ స్థాయిలో బిగ్ బాస్‌ను ప్రసారం కాకుండా అడ్డుకోవడానికి గట్టి ప్రయత్నాలే చేస్తున్నాయి. అయితే వీరికి న్యాయం జరుగుతుందా? బిగ్ బాస్ యాజమాన్యం స్పందిస్తుందా? లాంటి విషయాలను పక్కన పెడితే.. ఈ ఇద్దరు కాంట్రివర్శి సెలబ్రిటీల ద్వారా బిగ్ బాస్‌కు విపరీతమైన హైప్ వచ్చేసింది. సోషల్ మీడియాలో శ్రీరెడ్డి తరువాత ఆ స్థాయిలో కాంట్రివర్శి పర్శనాలిటీస్‌గా ఉన్న శ్వేతారెడ్డి, గాయత్రి గుప్తాలు బిగ్ బాస్‌పై యుద్ధం ప్రకటించడం వెనుక పెద్ద వ్యూహమే ఉందంటూ.. ఇదంతా పబ్లిసిటీ స్టంట్ అనేవారు లేకపోలేదు. వ్యూహం ఏదైనా మొత్తానికికైతే ఈ ఇద్దరి వల్ల బిగ్ బాస్‌కి మోయలేనంత ప్రీ పబ్లిసిటీ వచ్చేసింది. కొన్ని కోట్ల ఖర్చు పెట్టిన ఈ రేంజ్‌లో పబ్లిసిటీ రాదనేది వాస్తవం. ఇదిలా ఉంటే.. అనేవి వివాదాలు, విమర్శలు, ధర్నాలు, అరెస్టులతో నాగార్జున హోస్ట్ చేస్తున్న ఈ కార్యక్రమం నేటి రాత్రి 9 గంటలకు ప్రసారం కానున్న నేపథ్యంలో అక్కినేని అభిమానులు ఎంతో ఆసక్తిగా ఎదురుచూస్తున్నారు. సినిమా రిలీజ్ ముందు చేసే హంగామా అంతా బిగ్ బాస్‌కి చూపిస్తున్నారు నాగార్జున అభిమానులు. ఇప్పటికే అక్కినేని ఫ్యాన్స్ ‘బాస్’ నాగార్జునకి గ్రాండ్ వెల్కమ్ చెబుతూ ట్వీట్‌ల మోత మోగిస్తుండగా.. నాగార్జున కొడుకు అక్కినేని నాగచైతన్య సైతం ట్వీట్ వదిలారు. ‘వెయిటింగ్ ఓవర్.. బిగ్గెస్ట్ రియాలిటీ షో బిగ్ బాస్ వచ్చేసింది’.. అంటూ ట్వీట్ చేశారు. దీనిపై బిగ్ బాస్ హోస్ట్ నాగార్జున స్పందిస్తూ.. ‘థాంక్స్ రా’ అని రిప్లై ఇచ్చారు. కాగా.. నేటి రాత్రి ప్రసారమయ్యే బిగ్ బాస్ సీజన్ 3 తొలి ఎపిసోడ్‌లో కింగ్ నాగార్జున ఎంట్రీ ఓ రేంజ్‌లో ప్లాన్ చేశారు. దీనికి సంబంధించిన ప్రోమోలు సోషల్ మీడియాలో సందడి చేస్తున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2y1EKRQ
No comments:
Post a Comment