ప్రస్తుతం తెలుగు సినీ పరిశ్రమలో మా ఎన్నికల వేడి రాజుకుంటోంది. మా ఎన్నికల్లో ఈ సారి పోటీగా మహామహులు పోటీపడుతున్నారు. ముందుగా త్రిముఖ పోటీ ఉంటుందని అన్నారు. కానీ ఇప్పుడు నాలుగు స్థంభాలటగా మారేలా ఉంది. ఇప్పటికే మంచి దూకుడు మీదున్నారు. మంచు విష్ణు మెల్లిగా పావులు కదుపుతున్నారు. ఇక హేమ మరో వైపు ఉన్నారు. జీవిత రాజశేఖర్ కూడా పోటీకి దిగేందుకు రెడీగా ఉన్నట్టు తెలుస్తోంది. అయితే ఇప్పటికే ప్రకాశ్ రాజ్ ప్యానెల్ ఖరారైంది. అయితే ఇంతలోపే ప్రకాష్ రాజ్ నాన్ లోకల్, అధ్యక్షుడు ఎలా అవుతారంటూ కొందరు కామెంట్లు చేయడం ప్రారంభించారు. ఇలా తనను నాన్ లోకల్ అనడంపై ప్రకాష్ రాజ్ స్పందించారు. గ్రామాలను దత్తత తీసుకున్నప్పుడు, తొమ్మిది నందులు, జాతీయ అవార్డులు వచ్చినప్పుడు నాన్ లోకల్ అనలేదంటూ ప్రకాష్ రాజ్ చురకలు అంటించారు. ఇక బండ్ల గణేష్ సైతం నాన్ లోకల్ అనేదాన్ని తిప్పికొట్టారు. ఇక్కడ పుట్టిన ప్రభాస్ ఇండియాను ఏలుతున్నారంటూ చెప్పుకొచ్చారు. తాజాగా వర్మ సైతం ప్రకాష్ రాజ్కు మద్దతు పలికారు. నాన్ లోకల్ అని ఎలా అంటారంటూ వరుస పోస్ట్లు పెట్టారు. ‘కర్ణాటక నించి ఆంధ్రప్రదేశ్ వచ్చిన ప్రకాష్ రాజ్.. నాన్ లోకల్ అయితే, గుడివాడ నించి చెన్నైకి వెళ్లిన రామారావుగారు, నాగేశ్వరరావుగారు …బుర్రిపాలెం నించి మద్రాస్ వెళ్లిన కృష్ణగారు,తిరుపతి నించి మద్రాస్ బయల్దేరిన మోహనబాబు గారు లోకలా ??? ఎలా ఎలా ఎలా ?’ అని ప్రశ్నించారు. ‘కర్ణాటక నించి ఏపీకి వచ్చిన ప్రకాష్ రాజ్ నాన్ లోకల్ అయితే, మహారాష్ట్ర నుండి ఎక్కడెక్కడికో వెళ్ళిన రజనీకాంత్ గారు, ఉత్తర ప్రదేశ్ నుంచి మహారాష్ట్ర కి వెళ్ళిపోయిన అమితాబ్ బచ్చన్ గారు లోకలా ??? ఎలా ? ఎలా ? ఎలా ?’ అని మరో పోస్ట్ వేశారు. ‘ముప్పై ఏళ్లుగా ఇక్కడే ఉండి తెలుగు నేర్చుకొని , చలం పుస్తకాలని మళ్ళీ తనే ముద్రించి , పెళ్ళాం పిల్లలతో ఇక్కడే ఉంటూ , తెలంగాణ లో ఒక గ్రామాన్ని దత్తత తీసుకొని , అక్కడున్న ఎంతో మంది ఆడవాళ్ళకి పని కల్పిస్తున్న వాడు నాన్ లోకలా?’అని ఇంకో పోస్ట్ వేశారు. ‘అతని నటన చూసి ప్రకాష్ రాజ్ నాలుగు సార్లు ఈ దేశం అతన్ని శాలువా కప్పి జాతీయ అవార్డుతో సత్కరిస్తే , ఆయన్ని నాన్ లోకల్ అని పిలిస్తే అది ఇండియాకు వ్యతిరేకం. మీరందరూ ప్రేమించే హీరోయిన్స్ అందరూ నాన్ లోకల్ .. మైఖేల్ జాక్సన్ నాన్ లోకల్ .. బ్రూస్ లీ నాన్ లోకల్..రాముడు సీత కూడా నాన్ లోకల్ .. ప్రకాష్ రాజ్ నాన్ లోకల్ అంటూ చురకలు అంటించారు’అని వర్మ వరుస పోస్ట్లు వేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3dhjLzt
No comments:
Post a Comment