పవర్ స్టార్ బర్త్ డే సందర్బంగా శుభాకాంక్షలు వెల్లువెత్తుతున్నాయి. #HBDBirthdayPawanKalyan హ్యాష్ ట్యాగ్‌తో ఆయన అభిమానులు ట్విట్టర్ వార్ మొదలుపెట్టారు. గతంలో ఏ హీరోకి రానన్ని ట్వీట్లు చేయాలని పవన్ అభిమానులు ట్విట్టర్‌ను హీటెక్కిస్తున్నారు. అభిమానులే కాకుండా సెలబ్రిటీలు కూడా పవన్ కళ్యాణ్‌కి విషెష్ అందిస్తున్నారు. ఈ తరుణంలో మెగాస్టార్ .. తమ్ముడు పవన్ కళ్యాణ్‌కి విషెష్ అందిస్తూ ఇద్దరూ కలిసి ఉన్న ఫొటోతో పాటు ఆసక్తికరమైన కొటేషన్‌ను షేర్ చేశారు. ‘తనువులు వేరైనా లక్ష్యం ఒక్కటే.. మార్గాలు వేరైనా గమ్యం ఒక్కటే.. తన గుండెచప్పుడు ఎప్పుడు జనమే.. తన ఆశయం ఎల్లప్పుడూ జనహితమే.. జనసేనానికి పుట్టినరోజు శుభాకాంక్షలు. హ్యాపీ బర్త్ డే కళ్యాణ్ బాబు’ అంటూ విషెష్ అందించారు చిరంజీవి. అయితే చిరు చేసిన ట్వీట్‌లో తనువులు వేరైనా.. లక్ష్యం ఒక్కటే. మార్గాలు వేరైనా గమ్యం ఒక్కటే అని కోడ్ చేయడంతో త్వరలో ఈ ఇద్దరూ కలిసి ఒకే మార్గంలో నడవబోతున్నారా అనే చర్చ రాజకీయ వర్గాల్లో మొదలైంది. వచ్చే ఎన్నికల్లో బీజేపీ సీఎం అభ్యర్థిగా పవన్ కళ్యాణ్ ఉండబోతున్నారని.. చిరంజీవి కూడా కేంద్రంలో కీలక పదవిలోకి రాబోతున్నారంటూ చర్చల నేపథ్యంలో చిరు ట్వీట్ ప్రాధాన్యత సంతరించుకుంది. అయితే అదేం లేదు.. మెగా బ్రదర్స్ ప్రయాణం ఇక సినిమాలతోనే అంటూ మరికొంత మంది స్పందనలు తెలియజేస్తున్నారు. ఇక ఈ ట్వీట్‌తో పాటు.. పవన్ కళ్యాణ్ బర్త్ డే సెలబ్రేషన్స్‌లో భాగంగా ఫ్లెక్సీ కడుతూ ప్రాణాలను కోల్పోయిన అభిమానులకు ప్రగాఢ సానుభూతిని తెలియజేశారు చిరంజీవి. ‘చిత్తూర్‌లో పవన్ బర్త్ డేకి బ్యానర్ కడుతూ విద్యుత్ షాక్‌తో ముగ్గురు మరణించటం గుండెను కలిచివేసింది. వారి కుటుంబాలకి నా ప్రగాఢ సానుభూతి. అభిమానులు ప్రాణప్రదంగా ప్రేమిస్తారని తెలుసు. కానీ మీ ప్రాణం విషయంలో జాగ్రత్తగా ఉండాలి. మీ కుటుంబానికి మీరే సర్వస్వం’ అంటూ ట్వీట్ చేశారు చిరంజీవి. హీరో రామ్ చరణ్ కూడా మరణించిన ఫ్యాన్స్ కుటుంబాలకు సానుభూతిని తెలియజేశారు. అయితే సానుభూతితో పాటు.. తమవంతుగా ఆర్థికసాయం ప్రకటిస్తే బావుండని కామెంట్లలో నెటిజన్లు కోరుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2EWeNtI
No comments:
Post a Comment