ఇది విపరీత పరిస్థితి... ఆరు నియమాలు పాటించాలన్న మహేష్ బాబు

టాలీవుడ్ ప్రిన్స్ ... ఉగాది సందర్భంగా అభిమానుల కోసం వరుసగా ఆరు ట్వీట్లు చేశాడు. ఉగది పండగ శుభాకాంక్షలు తెలిపాడు. ఈ సందర్భంగా కరోనా వైరస్‌ను సమర్థవంతంగా ఎదుర్కోవాలంటూ.. ఆరు నియమాలు మనం తప్పకుండా పాటించాలని కోరాడు మహేష్. ప్రస్తుతమున్న విపత్కర పరిస్థితుల్లో మనమంతా ఈ ఆరు నియమాలు తప్పక పాటించాలన్నారు. ఆ ఆరు నియమాలు తన ట్విట్టర్ ఖాతాలో పోస్టు చేశారు. మహేష్ చెప్పిన ఆరు నియమాలు : 1. మొట్ట మొదటి నియమం చాలా ముఖ్యమైనది. ఇంట్లోనే ఉండాలి. అత్యవసర పరిస్థితుల్లో మాత్రమే బయట అడుగుపెట్టాలి. 2. 20 నుంచి 30 క్షణాల పాటు రోజులో చాలా సార్లు సబ్బు, నీళ్లతో మీ చేతులు కడుక్కోవాలి. 3. మీ ముఖాన్ని తాకకండి. ముఖ్యంగా కళ్లు, నోరు, ముక్కును అసలు తాకవద్దు. 4. దగ్గుతున్నప్పుడు, తుమ్ముతున్నప్పుడు మీ మోచేతులను లేక టిష్యూను అడ్డుగా పెట్టుకోండి. 5. సామాజిక దూరం అవసరాన్ని అర్థం చేసుకోండి. ఇంట్లో, బయట ఇతరులకు కనీసం మూడు మీటర్ల దూరంలో ఉండాలి. 6. మీకు కరోనా లక్షణాలు లేక అనారోగ్యం ఉంటే మాత్రమే మాస్క్ ని వాడండి. మీకు కొవిడ్‌-19 లక్షణాలు ఉంటే దయచేసి డాక్టర్ని సంప్రదించండి. మంచి సోర్సు నుంచి వచ్చే సమాచారాన్ని మాత్రమే నమ్మాలంటూ మహేష్ కోరారు. ఇలాంటి సమయాల్లో లేనిపోని పుకార్లు నమోద్దన్నారు మహేష్. ప్రార్థిద్దాం, ఆశిద్ధాం, కలిసి కట్టుగా కరోనాపై అందరితో కలిసి పోరాడి జయిద్దాం అంటూ మహేష్ కరోనాకు సంబంధించి వరుసగా ఆరు ట్వీట్లు పెట్టారు. దీనికి నెటిజన్స్ కూడా బాగా స్పందిస్తున్నారు. తప్పకుండా పాటిస్తాం అన్నయ్య అంటూ ట్వీట్లు పెడుతున్నారు. మరికొంతమంది మహేష్ అభిమానులు నువ్ జాగ్రత్త అన్నయ్య అంటూ ట్వీట్ చేస్తున్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3ag6IuQ