మొన్నటి వరకు చైనాను వణికించిన ప్రమాదకర కోవిడ్ (కరోనా వైరస్) ఇప్పుడు ఇండియాకు కూడా వ్యాపించేసింది. దుబాయ్ నుంచి హైదరాబాద్ వచ్చిన ఓ తెలంగాణ వాసికి కరోనా లక్షణాలు ఉన్నాయని గుర్తించడంతో అతన్ని గాంధీ హాస్పిటల్లో ఉంచి చికిత్స చేస్తున్నారు. ఆ మాయదారి వైరస్ ఇక్కడికి కూడా వచ్చేయడంతో ప్రజలు బిక్కు బిక్కుమంటున్నారు. ఇలాంటి సందర్భాల్లోనే బాధ్యతల సెలబ్రిటీలు అభిమానులకు జాగ్రత్తలు చెప్తుంటారు. అలాంటి బాధ్యతగా వ్యవహరించాల్సినవారే ఇలాంటి సీరియస్ విషయాలపై జోకులు వేస్తే చండాలంగా ఉంటుంది. ఇలా చేసింది ఎవరో కాదు నటి, నిర్మాత . కరోనా తెలంగాణకు కూడా వ్యాపించింది అంటూ టిక్ టాక్లో ఓ వీడియో చేసింది ఛార్మి. ‘హాయ్ గాయ్స్.. ఆల్ ది బెస్ట్. కరోనా దిల్లీ నుంచి తెలంగాణకు కూడా వచ్చేసిందట. ఈరోజంతా న్యూస్ అదే. అందుకే మీకు ఆల్ ది బెస్ట్ అంటూ’ ఏదో పండుగ చేసుకుంటున్నట్లు వీడియో చేసింది. దాంతో నెటిజన్లు ఆమె ప్రవర్తన పట్ల ఆగ్రహం వ్యక్తం చేసారు. ఇలాంటి క్లిష్ట పరిస్థితుల్లో నలుగురికి జాగ్రత్తలు చెప్పాల్సిందిపోయి టిక్ టాక్ వీడియోలు చేయడమేంటి అంటూ కడిగిపారేసారు. దాంతో ఛార్మి ట్విటర్ ద్వారా క్షమాపణలు చెప్పారు. ‘మీ కామెంట్స్ అన్నీ చదివాను. నేను ఆ వీడియో పోస్ట్ చేసినందుకు సారీ. తెలివితక్కువ తనంతో సెన్సిటివ్ విషయంపై అలాంటి వీడియో తీసాను. ఇక నుంచి నేను చేసే ప్రతి పనిలో జాగ్రత్తలు తీసుకుంటాను’ అని తెలిపారు. READ ALSO: మరోపక్క కరోనా కలకలంపై సినీ నటుడు రామ్ చరణ్ భార్య, అపోలో ఆస్పత్రి వైస్ ఛైర్పర్సన్ ఉపాసన ట్వీట్ చేసారు. సికింద్రాబాద్ అపోలోలో మొదటి కరోనా కేసును గుర్తించామని.. అపోలోలో స్క్రీనింగ్ ప్రోటోకాల్ను కచ్చితంగా పాటిస్తున్నామన్నారు. జ్వరంతో వచ్చిన రోగి శాంపిల్స్ను ల్యాబ్కు పంపించి గుర్తించామని.. ఆస్పత్రిలోని మిగతా రోగులను అతనికి దూరంగా ఉంచామని చెప్పుకొచ్చారు. ప్రస్తుతం గాంధీలో రోగి చికిత్స పొందుతున్నాడు తెలియజేశారు. ఇన్ఫెక్షన్ కంట్రోల్ చేసేలా ప్రత్యేకంగా చర్యలు తీసుకుంటున్నామన్నారు. బాధ్యతగల పౌరులుగా ప్రతి ఒక్కరూ.. వైరస్ లక్షణాలు ఉంటే వెంటనే వైద్యులను సంప్రదించాలని కోరారు. READ ALSO:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Th6jSD
No comments:
Post a Comment