రోడ్డు మీద ఎవరైనా అపరిచితులు మనకు కౌగిలింత ఇస్తే వింతగా చూస్తాం. అందులోనూ ఆ కౌగిలింతలు ఇచ్చేది అమ్మాయి అయితే ఏం జరుగుతుందో ఇక చెప్పాల్సిన అవసరంలేదు. కానీ, ఒక సినీ నటి రోడ్డుపై నిలబడి దారిన పోయే వారందరికీ కౌగిలింతలు ఇస్తుంటే అది కచ్చితంగా విడ్డూరమే, వార్తే. ఇలాంటి ఘటన ముంబై రోడ్లపై బుధవారం కనిపించింది. జనవరి 21న నేషనల్ హగ్ డే సందర్భంగా బాలీవుడ్ నటి రిచా చద్దా వినూత్నంగా అపరిచితులకు హగ్గులు ఇచ్చారు. ముంబైలోని పలు వీధుల్లో తిరుగుతూ చేతిలో ఫ్రీ హగ్స్ అనే ప్లకార్డును చేతపట్టుకుని అబ్బాయిలు, అమ్మాయిలు, వృద్ధులు, పిల్లలు అనే తేడా లేకుండా అందరినీ ఆప్యాయంగా పలకరించి హగ్గులు ఇచ్చారు. ఈ సందర్భంగా తీసిన వీడియోను రిచా తన ఇన్‌స్టాగ్రామ్‌లో పోస్ట్ చేశారు. ఇలా ప్రతి ఏడాది చేస్తానని ఆమె స్పష్టం చేశారు. సహాయనటిగా పలు హిందీ చిత్రాల్లో నటిస్తోన్న రిచా చద్దా పంజాబీ అమ్మాయి. ఈమె వెబ్ సిరీస్‌ల్లోనూ నటిస్తున్నారు. ఇలాంటి నటి ఫ్రీ హగ్స్ అంటే ఇవ్వడానికి చాలా మంది ఆసక్తి చూపారు. Also Read: దీనిపై ఇన్‌స్టాగ్రామ్‌లో రిచా స్పందిస్తూ.. ‘ఈ ప్రపంచంలో ఎంతో ద్వేషం ఉంది. అందుకే ప్రేమతో దాన్ని తగ్గించాలి అనుకున్నా. మార్టిన్ లూథర్ కింగ్ చెప్పినట్టు చీకటిని చీకటి తరమికొట్టలేదు. కేవలం వెలుగు మాత్రమే అలా చేయగలదు. నేను అపరిచితుల్ని కౌగిలించుకున్నా.. ఇది ఓ మ్యాజిక్‌లా అనిపించింది. ఎరుపు రంగు చీర కట్టుకున్న పెద్దావిడను మీరు చూస్తే.. ఆమెను నన్ను కౌగిలించుకోవడం మాత్రమే కాదు ముద్దు కూడా పెట్టుకుంది. అలాగే నాకు సహాయపడిన నా ఫ్రెండ్‌ను కూడా ఆమె ముద్దు పెట్టుకుంది. వాళ్లిద్దరూ ఒకరినొకరు కౌగిలించుకున్నారు. ప్రేమ అనేది ఒక అంటు వ్యాధి లాంటిది. ఇలా ప్రతి సంవత్సరం చేయాలని నేను అనుకుంటున్నాను. వచ్చే ఏడాది మీరు నన్ను కలవొచ్చు’ అని పేర్కొన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3atXtaK
No comments:
Post a Comment