ఎనర్జిటిక్ స్టార్ రామ్ హీరోగా డాషింగ్ డైరెక్టర్ పూరి జగన్నాథ్ దర్శకత్వంలో వస్తోన్న హై ఓల్టేజ్ మాస్ మూవీ ‘ఇస్మార్ట్ శంకర్’. నిధి అగర్వాల్, నభా నటేశ్ హీరో హీరోయిన్లు. పూరి జగన్నాథ్ టూరింగ్ టాకీస్‌, పూరి కనెక్ట్స్ ప‌తాకాల‌పై పూరి జగన్నాథ్, ఛార్మి ఈ చిత్రాన్ని నిర్మించారు. మణిశర్మ సంగీతం సమకూర్చారు. ప్రస్తుతం నిర్మాణాంతర కార్యక్రమాలు చివరి దశకు చేరుకున్నాయి. సెన్సార్ పూర్తిచేసుకుని ఈనెల 18న విడుదలకు సిద్ధమవుతోంది ఈ చిత్రం. ఈ నేపథ్యంలో ప్రచార కార్యక్రమాల్లో భాగంగా ఆదివారం వరంగల్‌లో చిత్ర ప్రీ రిలీజ్ వేడుక నిర్వహించారు. దీనికి ‘ఇస్మార్ట్ శంకర్ బోనాలు ఈవెంట్’ అని పేరు పెట్టారు. ఈ కార్యక్రమంలో భాగంగా హీరో రామ్ మాట్లాడుతూ పూరీతో పనిచేస్తే ఆ కిక్కే వేరన్నారు. అయితే, ఉస్తాద్ ఇస్మార్ట్ శంకర్ స్టైల్లోనే ఆ డైలాగ్‌కు కాస్త మసాలా జోడించి.. ‘దీనమ్మా ఆ కిక్కే వేరు’ అన్నారు. ఈ సమయంలో ‘పిల్లలు చెవులు మూసుకోండి’ అని సలహా కూడా ఇచ్చారు. ‘బోనాలు పండుగకు వరంగల్ రావడం, ఇక్కడ బోనాలు సాంగ్ రిలీజ్ చేయడం చాలా ఆనందంగా ఉంది. ముందుగా మణిశర్మ గారికి థ్యాంక్స్ చెప్పాలి. ఈ సినిమాలో ఏ పాట బాగుంది అని ఫిక్సవ్వలేకపోతున్నాను’ అని రామ్ అన్నారు. హీరోయిన్ల గురించి మాట్లాడుతూ.. ‘నభా నటేశ్, తెలంగాణ క్యారెక్టర్ చేయడం అంత సులభం కాదు. కానీ, ఈ సినిమాలో చేసింది. వరంగల్ కాలేజ్ పోరగాళ్ల మీద కౌంటర్ కూడా వేసింది. అద్భుతంగా చేసింది. నిధి అగర్వాల్.. సైంటిస్ట్, వెరీ సొఫెస్తికేటెడ్. అది కాకుండా ఉండిపోవే సాంగ్‌లో తన విశ్వరూపం చూస్తారు’ అని రామ్ వెల్లడించారు. ఛార్మి అన్ని సినిమాలకన్నా ఈ సినిమాకు కొంచెం ఎక్కువ కష్టపడాల్సి వచ్చిందని రామ్ అన్నారు. ఛార్మి వల్ల తాను కష్టమనేది తెలియకుండా పనిమీద దృష్టిపెట్టగలిగానని చెప్పారు. ప్రేక్షకులకు కావాల్సినవన్నీ ఈ సినిమాలో ఉంటాయని రామ్ చెప్పారు. సినిమా ప్లాట్ పాయింటే చాలా కొత్తదన్నారు. ఫస్ట్ టైమ్ ఒక సైఫై మాస్ ఎంటర్‌టైనర్‌తో వస్తున్నామని రామ్ అన్నారు. ‘పూరి గారు ఒక్కటే చెబుతాను.. పిల్లలందరూ ఒక్కసారి చెవులు మూసుకోండి. మీతో పనిచేసినప్పుడు ఉన్న దీనమ్మా కిక్కే వేరండి అసలు’ అని రామ్ ఒక్కసారిగా వేడిపెంచేశారు. ఫస్ట్ టైమ్ లైఫ్‌లో ఆఖరి రోజు షూటింగ్‌కు వెళ్లబుద్దికాలేదన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2L7gmXL
No comments:
Post a Comment