‘మన్మథుడు 2’ చిత్రంతో రేపు (ఆగస్టు 09) థియేటర్స్లో సందడి చేయబోతున్నాడు టాలీవుడ్ మన్మథుడు నాగార్జున. కింగ్ నాగార్జున ఎవర్ గ్రీన్ క్లాసిక్ మూవీ ‘మన్మథుడు’ చిత్రానికి 17 ఏళ్ల తరువాత సీక్వెల్గా ప్రముఖ నటుడు, దర్శకుడు రాహుల్ రవీంద్రన్ దర్శకత్వం వహించగా.. రకుల్ ప్రీత్ సింగ్ హీరోయిన్గా నటించింది. మనం ఎంటర్ ప్రైజెస్, ఆనంది ఆర్ట్స్, వయకామ్ 18 స్టూడియోస్ పతాకాలపై నాగార్జున అక్కినేని, పీ కిరణ్ నిర్మించిన ఈ చిత్రానికి చైతన్ భరద్వాజ్ సంగీతం సమకూర్చారు. నాగార్జున, రకుల్లతో పాటు లక్ష్మి, వెన్నెలకిషోర్, రావు రమేష్, ఝాన్సీ, దేవదర్శిని తదితరులు ఈ చిత్రంలో కీలకపాత్రల్లో నటించారు. కాగా రిలీజ్లో భాగంగా సెన్సార్ కార్యక్రమాలను పూర్తి చేసుకున్న ఈ చిత్రానికి 9 కట్స్తో U/A సర్టిఫికేట్ను జారీ చేశారు. వాస్తవానికి ఈ చిత్ర టీజర్, ట్రైలర్లను చూసిన తరువాత ఇది A సర్టిఫికేట్ సినిమా అని అందరూ భావించారు. అయితే కట్స్ అండ్ బీప్స్తో U/A సర్టిఫికేట్ను అందుకుంది. అయితే ఈ చిత్రానికి సంబంధించిన సెన్సార్ రిపోర్ట్ ఇప్పుడు సోషల్ మీడియాలో హల్ చల్ చేస్తోంది. నాగార్జున గత చిత్రాలకు భిన్నంగా ఇందులో బూతు పురాణం గట్టిగానే ఉంది. ఇటీవల విడుదలైన బోల్డ్ చిత్రాలుగా నిలిచిన అర్జున్ రెడ్డి, ఫలక్ నుమా దాస్ల రేంజ్లో బూతుల్ని బాగానే వాడేశారు దర్శకుడు. ఏకంగా తొమ్మిది కట్స్ చెప్తూ మార్పులు చేర్పులు చేసింది సెన్సార్ బోర్ట్. కమ్మ, రెడ్డి ప్రస్తావన ఉన్న డైలాగ్, మద్రాసి అనే పదంతో పాటు F*** తో మొదలయ్యే అనేక బూతులతో పాటు రకుల్ ప్రీత్ సింగ్తో ఝాన్సీ లిప్ లాక్ సన్నివేశానికి బ్లర్ చేయడం లాంటి సలహాలతో సెన్సార్ రిపోర్ట్ ఇచ్చారు. మొత్తానికి ‘మన్మథుడు 2’ బూతులు ప్రవాహం చాలానే ఉందని ఈ కట్స్ని బట్టి అర్ధం చేసుకోవచ్చు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YQ9vbs
No comments:
Post a Comment